„Síðan heyrðust hræðileg öskur“

Vitni sagði í samtali við finnska blaðið Iltalehti að byssuskot hefðu ómað víðs vegar um skólalóðina þegar skotárásin var gerð í grunnskólanum Viertolan í morgun.  

Frétt af mbl.is

Barn látið eftir skotárás í Finnlandi

„Fyrst áttaði ég mig ekki á því að þetta væri vopn. Síðan heyrðust hræðileg öskur og börn hlupu yfir skólalóðina,” sagði vitnið.

Finnska lögreglan rannsakar málið. AFP/Markku Ulander/Lehtikuva

Tólf ára barn lést og tvö særðust alvarlega eftir að tólf ára drengur hóf skothríð á skólafélaga sína í skólanum sem er í borginni Vantaa norður af Helsinki, höfuðborg Finnlands.

Frétt af mbl.is

Þrjú 12 ára börn særð eftir skotárásina

Áður en drengurinn var handtekinn hvatti lögreglan almenning til að halda sig frá svæðinu, vera innandyra og opna ekki dyrnar fyrir ókunnugu fólki.

Lögreglustjórinn Seppo Kolehmainen á blaðamannafundi í morgun. AFP/Markku Ulander/Lehtikuva

Petteri Orpo, forsætisráðherra Finnlands, segist vera „í miklu áfalli” vegna þess sem gerðist og að hugur hans sé hjá fórnarlömbunum, ættingjum, öðrum nemendum og starfsfólki skólans.

Frétt af mbl.is

Þó nokkrir særðir eftir skotárás í Finnlandi

• Blogga um frétt