Tveir létu lífið og 33 slösuðust eftir loftárás Rússa á byggingarvöruverslun í borginni Kharkiv í austurhluta Úkraínu í dag.
Volodimír Selenskí, forseti Úkraínumanna, fordæmdi árás Rússa og sagði hana viðbjóðslega og sagði Oleg Synegubov, ríkisstjóri í Kharkiv að í það minnsta tveir væru látnir og á fjórða tug manna slasaðir.
Í færslu sem Selenskí birti á samfélagsmiðlinum X segir hann að um 200 manns hafi verið í byggingunni þegar spengja hæfði hana.
„Aðeins brjálæðingar eins og Pútín eru færir um að drepa og hræða fólk á svona viðurstyggilegan hátt,“ segir Selenskí.
Igor Terekhov, borgarstjóri Kharkiv, lýsti árás Rússa sem hryðjuverki og segir hann að margra sé saknað eftir árásina.
Today's Russian strikes on Kharkiv are yet another example of Russian madness—there is no other way to describe it. Only insane people like Putin are capable of killing and terrorizing people in such heinous ways.
— Volodymyr Zelenskyy / Володимир Зеленський (@ZelenskyyUa) May 25, 2024
When we tell world leaders that Ukraine requires adequate air… pic.twitter.com/54lCY0ax3r