Félagsmenn í Ferðaklúbbnum 4x4 hafa lokað fyrir aðgengi olíubíla að birgðastöð olíufélaganna í Örfirisey. Að sögn blaðamanns mbl.is sem er á staðnum eru um 12 jeppar á staðnum. Lögregla er komin á staðin og fylgist með aðgerðum bílstjóranna. Með þessu vilja liðsmenn 4X4 mótmæla háu eldsneytisverði.
Samkvæmt upplýsingum frá Ferðaklúbbnum 4X4 stendur félagið ekki að mótmælunum heldur eru aðgerðirnar á vegum nokkurra félaga innan hans.