Davíð Oddsson, formaður bankastjórnar Seðlabanka Íslands, er á lista tímaritsins Time yfir 25 einstaklinga sem eiga sök á fjármálakreppunni. Listinn er birtur á forsíðu vefútgáfu Time.
Lesendur geta jafnframt tekið þátt í kosningu og gefið viðkomandi einkunn frá 1-10, þ.e. hvort hann sé sekur eða saklaus.
Meðal annarra á listanum eru fyrrum Bandaríkjaforsetarnir Bill Clinton og George Bush, Alan Greenspan, fyrrum seðlabankastjóri Bandaríkjanna, Wen Jiabao, forseti Kína, Bernard Madoff og bandarískir neytendur.