Segir Davíð hafa skort sérfræðiþekkingu

Davíð Oddsson.
Davíð Oddsson. mbl.is/Kristinn

Davíð Oddsson virðist ekki hafa búið yfir sérfræðikunnáttu í hagfræði eða bankastarfsemi, og af þeim sökum var hann ekki í stakk búinn að koma í veg fyrir fjármálahrunið eða leika jákvætt hlutverk í kjölfar þess. Þetta segir Anne Sibert, sem á sæti í peningastefnunefnd Seðlabanka Íslands.

Sibert skrifar grein sem birtist í fræðivefnum Vox þar sem hún fjallar um það hvort Grænland, sem færist í áttina að auknu sjálfstæði, gæti orðið hið nýja Ísland.

Í greininni segir hún að þrátt fyrir að Davíð Oddsson sé fjölhæfur maður þá hafi hann skort þekkingu á ofangreindum sviðum. 

Þá segir hún að svo virðist sem að forsætisráðherra Íslands, fjármálaráðherra og íslenskar eftirlitsstofnanir hafi lítið gert til að stemma stigu við vexti íslensku bankanna. 

Grein Sibert má lesa hér.

mbl.is

Bloggað um fréttina