Fyrstu kajakarnir frá Íslandi

Efri báturinn heitir Tuukkaq (skutulsoddurinn) en hinn heitir Sakkeq (konu-hnífurinn). ...
Efri báturinn heitir Tuukkaq (skutulsoddurinn) en hinn heitir Sakkeq (konu-hnífurinn). Þetta eru nýjustu bátarnir en boðið er upp á þrjár tegundir. mbl.is

Fyrstu kajakgrindurnar sem smíðaðar eru á Hnífsdal verða sendar til útlanda í lok janúar eða byrjun febrúar. Þetta er í fyrsta skipti sem kajakar eru smíðaðir á Íslandi, sérstaklega til útflutnings. Tveir menn vinna við smíðina og ef salan verður eins góð og vonir standa til fjölgar þeim í fjóra.

Framleiðslan er á vegum fyrirtækisins Greenland Kaykaks sem er að hluta til í eigu Byggðastofnunar Grænlands. Framkvæmdastjóri fyrirtækisins er Baldvin Kristjánsson sem hefur verið kajakleiðsögumaður og -kennari til margra ára.

Alþjóðlegt verkefni

Hönnun bátanna byggir á hefðbundnum grænlensku kajökunum en segja má að um alþjóðlegt verkefni sé að ræða. Stærstur hluti framleiðslunnar fer fram hér á landi en einnig er eða hefur verið unnið að gerð bátanna í Bandaríkjunum, Kanada, Austurríki, Noregi, Svíþjóð, Hollandi, Austurríki og Englandi, að sögn Baldvins

 Grindin er úr nokkrum mismunandi trjátegundum en dúkurinn er úr níðsterku gerviefni. Í Hnífsdal er nú búið að setja saman 15 grindur í kajaka en dúkurinn verður settur á í Svíþjóð og þar fer lokafrágangur fram.

Ekki hægt að flytja fullsmíðaða báta til ESB eða Bandaríkjanna

Baldvin segir að ekki sé leyfilegt að flytja kajakana fullsmíðaða til landa Evrópusambandsins heldur verði að fullsmíða bátana inni í Evrópusambandinu. Ísland geti ekki flutt báta til ESB nema þeir séu smíðaðir eftir móti, líkt og t.d. trefjaplastbátar, og skoðunarmenn Evrópusambandsins séu búnir að staðfesta að mótið standist Evrópukröfur. Grænlensku kajakarnir séu ekki smíðaðir eftir móti og því sé fullnaðarframleiðsla hér á landi ómöguleg. Baldvin segir að þótt Grænland sé ekki í ESB sé hægt að fullsmíða báta svipaðrar gerðar þar með því að senda bátana fyrst til Danmerkur. Þar sem Grænland heyri undir Danmörku hafi verið hægt að lauma þeim bakdyrameginn inn í ESB. „Þannig er það nú, það er ekki allt unnið með því að vera utan við ESB,“ segir Baldvin.

Af sömu ástæðum sé ekki hægt að senda bátana fullsmíðaða til Bandaríkjanna, hvort sem þeir eru framleiddir á Íslandi eða innan ESB. Á hinn bóginn sé hægt að senda grindurnar til Bandaríkjanna og klára framleiðsluna þar. Bandaríkjamenn gera með öðrum orðum sömu kröfur og ESB. Á báðum þessum tollsvæðum þurfi að framleiða bátana innan viðkomandi tollsvæða og þarf smíðin að standast ýmsar reglugerðir.

Ekki hægt að klára bátana hér á landi eins og stendur

Eins og stendur eru það þó ekki kröfur ESB eða Bandaríkjamanna sem koma í veg fyrir að bátarnir séu fluttir fullsmíðaðir úr landi. Hér á landi eru nefnilega ekki til vélar sem ráða við að sauma dúkinn á grindina. Baldvin segir að þetta hafi komið sér verulega á óvart. Hann hafi leitað mikið að fyrirtæki sem gæti saumað dúkinn á bátana en ekkert hefði treyst sér til þess. Ekkert fyrirtæki hefði heldur getað fræst tiltekin stykki í grindina sem þarf að fræsa með svonefndri tölvufræsun. Í staðinn var kanadískt fyrirtæki sem framleiðir hluta í dýr húsgögn fengið til að sjá um tölvufræsunina. Hér á landi sé hvorki þekking né tæki til slíkrar framleiðslu sem hljóti að vera áhyggjuefni. „Það vantar alls konar smáiðnað á Íslandi,“ segir hann.

En þótt framleiðslugetan hafi ekki dugað fyrir kajaksmíðina var hægt að nota íslenskt hugvit til að teikna grindurnar í bátana. Um það sá skipatæknistofan Navis sem styrktarmældi alla bita og passaði upp á jafnvægi bátsins yrði hárrétt. „Þetta er bara teiknað eins og skip. Við erum búnir að fjárfesta mikið í grunninum og getum þess vegna auðveldlega náð framleiðslumagninu upp,“ segir Baldvin.

Hægt er að velja milli tveggja tegunda af grindum og hægt er að velja á milli dúka af þremur gerðum. Hvor grindin kemur í 10 stærðum. „Þú velur þetta bara eins og skó.“

Grindurnar 15 sem sendar verða til Svíþjóðar fara á sölusýningar þar, í Noregi og víðar. Þegar sú sending er klár verður byrjað að framleiða upp í pantanir hér á landi sem eru orðnar allnokkrar . Til að ná fimm ársverkum (þar af fjórum á Íslandi) þarf framleiðslan að vera um 150 bátar á ári.

Kreppur (þó ekki gjaldeyriskreppur) auka kajakróður

Á Íslandi er miðað við að bátarnir kosti 250.000 krónur en þeir verða um helmingi dýrari í Noregi. Til samanburðar má nefna að trefjaplastkajak af bestu gerð hefur til skamms tíma kostað um 500.000 krónur, tvöfalt meira en fyrir banka- og krónuhrun.

Baldvin segir að töluverður vöxtur sé í kajaksportinu á Norðurlöndunum. Eigendur Point 65° sem er stærsti kajakframleiðandi á Norðurlöndunum hafi bent á að þegar kreppa skelli á í efnahagslífinu aukist áhugi á kajaksportinu. „Það er vegna þess að fólk ferðast á heimaslóðum. Þannig að kreppa er góð fyrir kajaksportið, það er að segja meðan ekki er gjaldmiðilskreppa,“ segir Baldvin.

Heimasíða Greenland Kayaks er hér.

Fyrir þá sem hafa áhuga á að kynna sér kajakróður nánar má benda á vef Kayakklúbbsins. 

Sjókajakræðarar í brimi við Þorlákshöfn, þó ekki á grænlenskum bátum.
Sjókajakræðarar í brimi við Þorlákshöfn, þó ekki á grænlenskum bátum. mbl.is/Rax
Kajakræðarar þreyta kappi í Reykjavíkurbikarnum, elstu keppni Kayakklúbbins. Leiðin er ...
Kajakræðarar þreyta kappi í Reykjavíkurbikarnum, elstu keppni Kayakklúbbins. Leiðin er 10 km löng og getur róðurinn verið krefjandi hjá hinum kappsömu. mbl.is/Kristinn Ingvarsson
mbl.is

Innlent »

Árásirnar á Srí Lanka ráðgáta

Í gær, 22:31 Jón Óskar Sólnes, sjónvarpsmaður og fyrrverandi yfirmaður norrænu friðargæslunnar á Srí Lanka, segir í samtali við mbl.is að hryðjuverkin í landinu koma sér mjög á óvart, sérstaklega vegna þess hversu mikið skipulag þarf að vera að baki slíkra samstilltra árása eins og á Srí Lanka í gær. Meira »

Tvö ár á leiðinni til Þorbjargar

Í gær, 21:12 „Við fórum í göngutúr í fjörunni á Mýrum í Borgarfirði fyrir neðan Akra. Við vorum þarna í sumarbústað,“ segir Þorbjörg Erla Jensdóttir. Í göngutúrnum fannst flöskupóstur frá sex ára stúlku og var hann ritaður á norsku. Sendandinn er fundinn, en skeytið var sent fyrir tveimur árum. Meira »

Sex vikna leysingar á tíu dögum

Í gær, 21:10 „Þetta er óvenjulega snemmt, það er óhætt að segja það. Yfirleitt er ennþá verið að ganga á snjó,“ segir Guðmundur Ögmundsson, þjóðgarðsvörður í Ásbyrgi, í samtali við mbl.is um snöggan leysing í Jökulsárgljúfri nálægt Dettifossi. Meira »

Töluverðar reykskemmdir í sumarhúsi

Í gær, 18:59 Búið er að slökkva eld sem kom upp í sumarhúsi við Tjarn­ar­götu, Grafn­ings­meg­in við Þing­valla­vatn á fimmta tím­an­um. Húsið verður vaktað fram eftir kvöldi til að tryggja að engar glæður lifi þar enn. Meira »

Páskahátíð í afskekktasta bæ Grænlands

Í gær, 17:49 Þrettándu páskahátíð Hróksins í Ittoqqortoormiit, afskekktasta bæ Grænlands, lauk á mánudag með Air Iceland Connect-hátíðinni ,,Dagur vináttu Íslands og Grænlands". Meira »

Eldur í sumarhúsi á Þingvöllum

Í gær, 17:26 Tilkynnt var um eld í sumarhúsi við Tjarnargötu, Grafningsmegin við Þingvallavatn á fimmta tímanum og eru slökkviliðsmenn frá Selfossi og Laugarvatni á vettvangi. Meira »

Sungu af gleði í hádeginu

Í gær, 17:09 Heimilislausum var boðið til hádegisverðar í dag og mættu um 40. „Þetta var algjör páskaveisla og þvílík gleði í mannskapnum,“ segir Guðrún Hauksdóttir Schmidt, skipuleggjandi viðburðarins. „Þetta var alveg stórkostlegur matur. Þetta var lamb og svínakjöt með öllu tilheyrandi.“ Meira »

Kveðst hafa haft samráð við AFL

Í gær, 17:03 Guðmundur Gíslason, stjórnarformaður Fiskeldis Austfjarða ehf., segist hafa haft gott samráð við stéttarfélagið AFL í öllum þeim breytingum sem voru gerðar á samningum starfsmanna í síðustu viku. Meira »

Umferðin inn í Reykjavík þyngist

Í gær, 16:30 Umferðin ætti að þyngjast inn í Reykjavík núna síðdegis og með kvöldinu. Veður var gott í dag þannig að ætla má að fólk hafi staldrað lengur við en ella í sumarbústöðum til að njóta sólarinnar. Meira »

Dísa farin til dýpkunar

Í gær, 15:47 Dýpkunarskipið Dísa er á leið í Landeyjahöfn til að dýpka höfnina en eins og kom fram fyrr í dag er dýpið í höfninni minnst um 3,7 metr­ar en Herjólf­ur rist­ir 4,2 metra. Meira »

„Vatnar út umsamdar launahækkanir“

Í gær, 14:54 Sverrir Mar Albertsson, framkvæmdastjóri AFLs starfsgreinafélags, telur fréttirnar af breytingum á samningum starfsmanna hjá Fiskeldi Austfjarða ehf. setja kjarasamningana í uppnám. Meira »

Launakerfi breytt í aðdraganda samninga

Í gær, 14:23 Samningar starfsmanna Fiskeldis Austfjarða ehf. voru endurskoðaðir í vikunni sem leið, nokkrum dögum áður en lífskjarasamningar koma til samþykkta. Nokkrir voru óánægðir. Meira »

Sendir íbúum Srí Lanka samúðarkveðju

Í gær, 13:57 Forseti Íslands Guðni Th. Jóhannesson sendi í dag samúðarkveðju til Maithripala Sirisena, forseta Srí Lanka, og annarra íbúa þar vegna hryðjuverkanna sem framin voru þar í landi í gær. Meira »

Ræða við foreldra ungmennanna

Í gær, 13:55 Ráðist var á ungan pilt af erlendum uppruna við verslunarkjarnann í Langarima í Grafarvogi síðdegis í gær. Að sögn aðstoðaryfirlögregluþjóns kannast lögreglan við málið og verður rætt við hlutaðeigandi foreldra og barnaverndaryfirvöld í dag og á morgun vegna þessa. Meira »

Segir íbúum haldið í gíslingu

Í gær, 12:37 Lóðsinn mældi dýpið í Landeyjahöfn síðdegis í gær. Á mælingunni má sjá að talsvert af sandi hefur safnast aftur fyrir á milli hafnargarðanna, sem og innan hafnar. Dýpið er nú minnst um 3,7 metrar en Herjólfur ristir 4,2 metra. Meira »

Húsasmiðjan líklega opnuð á morgun

Í gær, 12:10 Þrif standa yfir í verslun Húsasmiðjunnar í Dalshrauni og þar er búist við að hægt verði að opna í fyrramálið. Alltént verður timbursalan opin. Meira »

Töluvert tjón á bílum og húsnæði

Í gær, 11:14 Töluvert tjón varð á bílum og húsnæði þegar eldur kviknaði í bílakjallara blokkar á Sléttuvegi 7. Ekki liggur fyrir hvernig kviknaði í en upptökin eru talin hafa verið í dekkjum og einhvers konar hrúgu í kringum þau. Meira »

„Mjög hættulegur leikur“ hjá fyrirtækjum

Í gær, 09:56 Drífa Snædal, forseti Alþýðusambands Íslands, segir gríðarlega alvarlegt að fyrirtæki skuli boða verðhækkanir í miðri atkvæðagreiðslu um kjarasamninga. Þá segir hún það „hættulegan leik“, því mörgum sé misboðið. Meira »

Sumardagurinn fyrsti sá besti

Í gær, 07:01 Allt bendir til þess að sumardagurinn fyrsti verði besti dagur vikunnar þegar kemur að veðri en þá er útlit fyrir fínasta hátíðarveður í flestum landshlutum, sólríkt og fremur hlýtt í veðri. Spáð er allt að 16 stiga hita á Vesturlandi á sumardaginn fyrsta. Meira »
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
Jöklar - Hús fyrir ferðaþjónustu
Jöklar hafa átt miklu fylgi að fagna frá því þau komu fyrst á sjónarsviðið, vori...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Línuskautar
Til sölu velmeðfarnir línuskautar. Tegund: HYPNO - PATHMAKER - THUNDER Stærð: ...