Innlent | mbl | 2.12.2013 | 6:53 | Uppfært 10:08

Búið að yfirbuga byssumanninn

Mynd 1 af 22 Byssumaðurinn fluttur á sjúkrabörum út í sjúkrabíl við fjölbýlishúsið í Hraunbæ.

Mynd 2 af 22 Lögreglan lokaði stóru svæði í Árbænum vegna aðgerðar sinnar. Rósa Braga

Mynd 3 af 22 Lögreglan á vettvangi í Árbænum í morgun. Rósa Braga

Mynd 4 af 22 Stóru svæði umhverfis fjölbýlishúsið var lokað á meðan lögreglan yfirbugaði manninn. Rósa Braga

Mynd 5 af 22 Eldhúsglugginn brotinn. Sérsveitarmenn skutu reyksprengju inn um eldhúsgluggann á íbúð mannsins í Hraunbænum. Rósa Braga

Mynd 6 af 22 Lögreglan vettvangi í morgun. Rósa Braga

Mynd 7 af 22 Brotin rúða í íbúð mannsins. Að minnsta kosti tvær rúður í íbúðinni eru brotnar eftir aðgerðir lögreglu. Rósa Braga

Mynd 8 af 22 Maðurinn var vopnaður inni í íbúð sinni í Árbæ. Rósa Braga

Mynd 9 af 22 Sérsveitarmenn undirbúa sig fyrir aðgerðina í morgun. Rósa Braga

Mynd 10 af 22 Sérsveitarmenn mættu á vettvang snemma í morgun. Rósa Braga

Mynd 11 af 22 Lögreglan lokaði stóru svæði í morgun. Rósa Braga

Mynd 12 af 22 Stóru svæði í Árbæ var lokað í morgun á meðan umsátrinu stóð. Jakob Fannar

Mynd 13 af 22 Lögreglubíll í Árbæjarhverfi í morgun. Jakob Fannar

Mynd 14 af 22 Lögreglan við hús mannsins í Hraunbænum í morgun. Hallur Már Hallsson

Mynd 15 af 22 Blóðslóð liggur út úr íbúð mannsins. Hallur Már Hallsson

Mynd 16 af 22 Tæknideildarmenn taka upp forhlað úr sem skotið var úr byssu byssumannsins.

Mynd 17 af 22 Skotárásin í Hraunbæ.

Mynd 18 af 22 Nemar í Lögregluskólanum aðstoðuðu lögregluna við að fínkemba svæði fyrir utan húsið í Hraunbæ þar sem maður skaut á lögregluna.

Mynd 19 af 22 Fjölbýlishúsið í Hraunbæ. Rósa Braga

Mynd 20 af 22 Lögreglan við rannsókn á vettvangi. Rósa Braga

Mynd 21 af 22 Gluggar í íbúð mannsins brotnuðu er lögreglan skaut gassprengjum inn í íbúðina. Rósa Braga

Mynd 22 af 22 Gluggar í íbúð mannsins brotnuðu er lögreglan skaut gassprengjum inn í íbúðina. Rósa Braga

Búið er að yfirbuga byssumanninn sem lögreglan sat um í Árbæjarhverfi síðan snemma í morgun, samkvæmt upplýsingum lögreglunnar. Fjölmörgum skotum var hleypt af í morgun eins og sjá má á meðfylgjandi myndskeiði. Lögreglan skaut m.a. reyksprengju inn um eldhúsglugga íbúðarinnar. Samkvæmt heimildum mbl.is er byssumaðurinn slasaður og hefur verið fluttur á slysadeild.

Maðurinn var vopnaður og hafði skotið á lögreglu í morgun. Íbúar í nágrenninu sem mbl.is hefur rætt við í morgun heyrðu mikla skothríð. Íbúi segist hafa séð þegar maðurinn var borinn út úr íbúðinni á sjúkrabörum nú um kl. 7 í morgun. Annar íbúi lýsti því fyrir mbl.is fyrr í morgun er hann sá inn um glugga íbúðarinnar hvar maðurinn lá vopnaður uppi í rúmi í svefnherberginu.

Lögreglan lokaði stóru svæði í Árbænum og var með gríðarlegan viðbúnað. Vopnaðir sérsveitarmenn ríkislögreglustjóra tóku þátt í aðgerðinni og vörpuðu m.a. reyksprengju inn í íbúðina að sögn nágranna sem fylgdist með aðgerðunum í morgun.

Íbúðir í húsinu sem maðurinn var í voru rýmdar snemma í morgun. Íbúarnir voru fluttir í Árbæjarkirkju í strætisvagni.