Innlent | mbl | 2.12.2013 | 9:45 | Uppfært 10:04

Byssumaðurinn er látinn

Mynd 1 af 22 Byssumaðurinn fluttur á sjúkrabörum út í sjúkrabíl við fjölbýlishúsið í Hraunbæ.

Mynd 2 af 22 Lögreglan lokaði stóru svæði í Árbænum vegna aðgerðar sinnar. Rósa Braga

Mynd 3 af 22 Lögreglan á vettvangi í Árbænum í morgun. Rósa Braga

Mynd 4 af 22 Stóru svæði umhverfis fjölbýlishúsið var lokað á meðan lögreglan yfirbugaði manninn. Rósa Braga

Mynd 5 af 22 Eldhúsglugginn brotinn. Sérsveitarmenn skutu reyksprengju inn um eldhúsgluggann á íbúð mannsins í Hraunbænum. Rósa Braga

Mynd 6 af 22 Lögreglan vettvangi í morgun. Rósa Braga

Mynd 7 af 22 Brotin rúða í íbúð mannsins. Að minnsta kosti tvær rúður í íbúðinni eru brotnar eftir aðgerðir lögreglu. Rósa Braga

Mynd 8 af 22 Maðurinn var vopnaður inni í íbúð sinni í Árbæ. Rósa Braga

Mynd 9 af 22 Sérsveitarmenn undirbúa sig fyrir aðgerðina í morgun. Rósa Braga

Mynd 10 af 22 Sérsveitarmenn mættu á vettvang snemma í morgun. Rósa Braga

Mynd 11 af 22 Lögreglan lokaði stóru svæði í morgun. Rósa Braga

Mynd 12 af 22 Stóru svæði í Árbæ var lokað í morgun á meðan umsátrinu stóð. Jakob Fannar

Mynd 13 af 22 Lögreglubíll í Árbæjarhverfi í morgun. Jakob Fannar

Mynd 14 af 22 Lögreglan við hús mannsins í Hraunbænum í morgun. Hallur Már Hallsson

Mynd 15 af 22 Blóðslóð liggur út úr íbúð mannsins. Hallur Már Hallsson

Mynd 16 af 22 Tæknideildarmenn taka upp forhlað úr sem skotið var úr byssu byssumannsins.

Mynd 17 af 22 Skotárásin í Hraunbæ.

Mynd 18 af 22 Nemar í Lögregluskólanum aðstoðuðu lögregluna við að fínkemba svæði fyrir utan húsið í Hraunbæ þar sem maður skaut á lögregluna.

Mynd 19 af 22 Fjölbýlishúsið í Hraunbæ. Rósa Braga

Mynd 20 af 22 Lögreglan við rannsókn á vettvangi. Rósa Braga

Mynd 21 af 22 Gluggar í íbúð mannsins brotnuðu er lögreglan skaut gassprengjum inn í íbúðina. Rósa Braga

Mynd 22 af 22 Gluggar í íbúð mannsins brotnuðu er lögreglan skaut gassprengjum inn í íbúðina. Rósa Braga

Maðurinn sem hleypti af skotum í Hraunbænum í nótt er látinn samkvæmt upplýsingum frá Landspítalanum, en maðurinn kom á spítalann með skotsár. Samkvæmt heimildum mbl.is var maðurinn á sextugsaldri.

Lögreglan sat um íbúð mannsins frá því snemma í morgun. Maðurinn skaut á lögreglu sem skaut svo m.a. reyksprengju inn í íbúðina.

Fjölmörgum skotum var hleypt af í morgun og hafa íbúar lýst skelfingu sinni í samtali við mbl.is. Var maðurinn svo yfirbugaður og fluttur á Landspítalann þar sem hann lést af sárum sínum.

Í meðfylgjandi myndskeiði má heyra skothríð við íbúð mannsins í morgun.

Vopnaðir sérsveitarmenn ríkislögreglustjóra tóku þátt í aðgerðinni í morgun. Stóru svæði í nágrenni fjölbýlishússins þar sem maðurinn bjó var lokað. Þá voru íbúðir í húsinu rýmdar og fólk flutt í Árbæjarkirkju þar sem því var boðin áfallahjálp.