Óveðrið í gær og í nótt hefur áhrif á ferðalög þrjú til fjögur þúsund farþega Icelandair, segir Guðjón Arngrímsson, upplýsingafulltrúi flugfélagsins. 

Átta flugferðum var aflýst í gær og sex ferðum frá Norður-Ameríku var frestað þannig að þær vélar sem áttu að lenda snemma í morgun lenda um hádegið. Þetta hefur áhrif á Evrópuflug Icelandair en sex flugferðum til Evrópu, sem átti að fara snemma í morgun, seinkar sem því nemur og fara þær vélar í loftið um og eftir klukkan 13. Um er að ræða flug til Ósló, Stokkhólms, Helsinki, Glasgow, Frankfurt og Manchester. 

Vélarnar eru að koma frá Toronto, Washington, Denver, Boston, New York og Seattle.

Að sögn Guðjóns má því búast við seinkunum á millilandaflugi í allan dag en hann á von á því að á morgun verði allt flug félagsins komið í eðlilegt horf á ný.

Tengdar fréttir

Óveður 30.11-1.12 2014

Lognið á undan storminum

• Lætin „gjörsamlega yfirgengileg“
• Farþegum ekki kynnt réttindi sín
• 60 ára ösp rifnaði upp með rótum
• Voru tilmælin beinlínis hættuleg?

» Fleiri tengdar fréttir

• Blogga um frétt