Innlent | mbl | 23.8.2015 | 7:02 | Uppfært 10:28

Flugeldarnir dönsuðu um himininn

Um leið og Stuðmenn með Egil Ólafsson í fararbroddi höfðu lokið sér af á stóra sviðinu á Arnarhóli í kvöld, og þar með bundið endahnút á hátíðina hófst flugeldasýningin við mikla hrifningu viðstaddra. Ljósmyndari mbl.is var á svæðinu og náði þessum myndum af sýningunni.

Sýningunni að þessu sinni var stýrt af danshöfundinum Siggu Soffíu í samvinnu við hjálparsveit skáta í Reykjavík. Í október munu svo Íslenski dansflokkurinn og Sigga Soffía í sameiningu endurskapa flugeldasýninguna á stóra sviði Borgarleikhússins undir heitinu Og heimurinn kristallast. 

Yfir 1.000 bombur voru notaðar auk fjölda skotkaka. Skotið var upp frá fimm stöðum í bænum, meðal annars úr nágrenni gamla hafnargarðarins sem kom í ljós á dögunum í Hörpugrunni, ofan af Tollhúsinu og víðar. Fjöldi fólks kom að framkvæmd sýningarinnar. 

Dagskrá menningarnætur var fjölbreytt eins og mbl.is hefur greint frá í dag. Dagurinn hófst með Reykjavíkurmaraþoni Íslandsbanka þar sem mikið var um fjör. Síðan tók við fjölbreytt dagskrá um alla borg með tónleikum, vöfflubakstri mörkuðum og fleiru. 

mbl.is

Bloggað um fréttina

Nýjast á mbl.is »

Morgunblaðið Umræðan
Svandís Svavarsdóttir
Samgöngur fyrir okkur öll
Lilja Dögg Alfreðsdóttir
Sumarkveðja
Meira í Umræðunni »
Fleira áhugavert
Vélsleðaslys: Þyrlan kölluð út á mesta forgangi Verðbólgan komin niður í 6% Árshátíð ríkislögreglustjóra haldin í Tékklandi Tveir í bílnum sem lenti utan vegar

Nýjast á mbl.is »

Morgunblaðið Umræðan
Svandís Svavarsdóttir
Samgöngur fyrir okkur öll
Lilja Dögg Alfreðsdóttir
Sumarkveðja
Meira í Umræðunni »
Fleira áhugavert
„Það þarf að vinna mikinn fjölda upp“ Hernaðaraðstoð samþykkt – Vopnasendingar í vikunni Vélsleðaslys: Þyrlan kölluð út á mesta forgangi Veiting hvalveiðileyfis ekki brot á EES-samningi