Frekari olíuvinnsla tímaskekkja

Frá landsfundi Vinstri grænna.
Frá landsfundi Vinstri grænna. Sunnlenska/Guðmundur Karl

Vinstri græn lýsa sig andsnúin fyrirhugaðri olíuvinnslu á Drekasvæðinu í ályktun sem samþykkt var á landsfundi þeirra í dag. Stofnun opinbers húsnæðisfélags og auðlindasjóðs að norskri fyrirmynd og að hætt verði að endursenda fólk á grundvelli Dyflinnarsáttmálans eru á meðal þeirra ályktana sem voru samþykktar.

Landsfundinum sem haldinn var á Selfossi lauk í dag með samþykkt fjölda ályktana um ýmis mál. Þegar hefur vakið nokkra athygli ályktun flokksins um að slíta skuli stjórnmálasambandi við Ísrael og setja viðskiptabann á vörur þaðan þar sem að „þjóðarmorð“ Ísraelsríkis á Palestínumönnum verði ekki stöðvað með aðgerðaleysi.

Af öðrum ályktunum ber einna helst að flokkurinn leggst nú gegn hugmyndum um vinnslu jarðefnaeldsneytis á íslensku yfirráðasvæði, þar á meðal fyrirhugaðri olíuvinnslu á Drekasvæðinu. Í ályktuninni segir að frekari olíuvinnsla sé tímaskekkja nú þegar aldrei hafi verið meiri þörf á að sporna við hlýnun jarðar.

„Aukin olíuvinnslan vinnur gegn þeirri þróun að minnka losun gróðurhúsalofttegunda og væri því mikil afturför, einkum og sér í lagi þegar umhverfisvænni orkugjafar eru í mikilli sókn og tækniþróun leiðir til minni þarfar fyrir orku. Það eru táknræn og fordæmisgefandi skilaboð til alþjóðasamfélagsins ef Ísland kysi að nýta ekki mögulegar olíu- og/eða gaslindir í lögsögu sinni,“ segir í ályktuninni en Vinstri græn vilja að Ísland verði kolefnishlutlaust fyrir árið 2050.

Í þessu samhengi ályktar fundurinn jafnframt að settar verði upp hleðslustöðvar fyrir raf- og metanbíla með reglulegu millibili um landsbyggðina.

Siðferðislega rangt að skýla sér á bak við Dyflinnarsáttmálann

Frammistaða ríkisstjórnarinnar í málefnum flóttamanna er gagnrýnd harðlega í ályktun landsfundar VG sem fagnar þó viljayfirlýsingu yfir tuttugu sveitarfélaga um að taka við fleira flóttafólki.

Breyta þurfi útlendingalögum til að þau uppfylli mannréttindasáttmála sem Ísland hafi fullgilt og að þau einkennist af mannúð og virðingu fyrir mannlegri reisn. Vilja Vinstri græn að hætt verði að senda fólk frá landi á grundvelli Dyflinnarsáttmálans. Siðferðislega rangt sé að skýla sér á bak við hann og síst til þess fallið að bæta vandann hnattrænt.

„Þá er það fyrir neðan allar hellur að á tímum batnandi þjóðarhags eigi framlög til þróunarsamvinnu samkvæmt fjárlagafrumvarpinu að standa í stað og að ríkisstjórnin hyggist ekki einu sinni standa við sín eigin metnaðarlausu áform í þeim efnum,“ segir í ályktuninni.

Hommar fái að gefa blóð

Flokksmenn leggja áherslu á að vinnu við heildarendurskoðun stjórnarskrárinnar verði lokið til að þjóðin eignist framsækna stjórnarskrá og ítreka mikilvægi þess að ráðist verði í þær breytingar á þessu kjörtímabili.

Um húsnæðismál segir í ályktun VG að stofnað verði opinbert leigu- og kaupleigufélag til að koma til móts við fólk á „klikkuðum húsnæðismarkaði sem hin[n] „frjálsi markaður“ býður nú upp á“.

Þá vill landsfundurinn að stofnaður verði auðlindasjóður að norskri fyrirmynd sem í renni arður af sameiginlegum auðlindum þjóðarinnar.

Af öðrum ályktunum má nefna að flokksmenn lýsa sig andvíga hvalveiðum og sameiningu framhaldsskóla. Þá er mælst til þess að samkynhneigðir karlmenn fái að gefa blóð eins og aðrir og að ríkið leggi meira fé í innviðir samgangna og fjarskipta.

Hér má lesa ályktanir landsfundar Vinstri grænna í heild sinni

mbl.is

Innlent »

Sjálfstæðisfélag um fullveldismál tímabært?

09:31 Tímabært og nauðsynlegt kann að vera að stofna félag innan Sjálfstæðisflokksins um fullveldismál að mati Styrmis Gunnarssonar, fyrrverandi ritstjóra Morgunblaðsins. Þetta kemur fram á vefsíðu hans. Meira »

Aukið lánsfé fyrir fleiri hópa

08:38 Stefano Stoppani, forstjóri Creditinfo, segir fleiri hópa samfélagsins nú geta fengið aðgang að lánsfé.  Meira »

6.261 hlotið ríkisborgararétt sl. tíu ár

08:33 6.261 erlendum ríkisborgara eða borgurum án ríkisfangs hefur verið veitt íslenskt ríkisfang undanfarin tíu ár. Rúmlega 72 prósent þeirra eru 18 ára og eldri. Þetta kemur fram í svari dómsmálaráðherra við fyrirspurn Andrésar Inga Jónssonar, þingmanns Vinstri grænna. Meira »

Liðum mismunað á grundvelli kyns

08:18 „Ég var búin að finna fyrir þessu á eigin skinni í öllum liðum sem ég hef æft með. Það er enn mikið um misrétti í knattspyrnu,“ segir Margrét Björg Ástvaldsdóttir, félagsfræðingur og knattspyrnukona, sem rannsakaði hvort og hvernig knattspyrnufélög mismuni kynjunum þegar umgjörð er annars vegar. Meira »

Vægi ferðaþjónustu ofmetið

08:08 Samtök ferðaþjónustunnar telja að vægi ferðaþjónustu á íslenskum vinnumarkaði kunni að vera verulega ofmetið í fyrri áætlunum. Þetta má lesa úr greiningu Samtaka ferðaþjónustunnar (SAF) sem byggir á nýjum ferðaþjónustureikningum Hagstofu Íslands. Meira »

Lúpínan hefur lokið hlutverki sínu

07:57 Lúpína hefur nýst Landgræðslunni vel sem landgræðslujurt á stórum sandsvæðum. Sveinn Runólfsson, fyrrverandi landgræðslustjóri, segir þó að áður hafi þurft að leggja í heilmikinn kostnað við að friða svæðin og binda sandinn.. Meira »

Aukin nýting refsinga utan veggja fangelsa

07:37 „Við erum að sjá vinnu dómsmálaráðherra vera að skila sér en það mun auðvitað taka tíma að vinda ofan af þessum boðunarlistum sem eru uppsafnaður vandi,“ segir Páll E. Winkel, forstjóri Fangelsismálastofnunar, um fækkun fólks á boðunarlistum fangelsa hér á landi. Meira »

Vætusamt og svalt á Norður- og Austurlandi

06:59 Fremur hæg norðanátt ríkjandi í dag og því vætusamt og svalt á Norður- og Austurlandi. Skýjað framan af morgni suðvestanlands, en léttir síðan til þar með hita allt að 17 stigum að deginum þegar best lætur. Meira »

Lét öllum illum látum og endaði í klefa

05:53 Beiðni um aðstoð barst til lögreglunnar á höfuðborgarsvæðinu skömmu fyrir miðnætti í gær vegna ferðamanns sem lét öllum illum látum á gistiheimili í miðborginni. Maðurinn brást illa við afskiptum lögreglu og veitti harða mótspyrnu við handtöku. Meira »

Skipulagsmál í höfn

05:30 Skipulagsstofnun gerir aðeins minniháttar tæknilegar athugasemdir við drög að deiliskipulagi fyrir Hvalárvirkjun á Ströndum sem Árneshreppur gerir. Meira »

Færri umsóknir um alþjóðlega vernd

05:30 Þótt aðeins þrír íraskir flóttamenn hafi óskað eftir alþjóðlegri vernd hér á landi í júlímánuði eru Írakar fjölmennasti hópur flóttamanna það sem af er ári. Alls hefur 71 Íraki sótt um vernd hér á landi fyrstu sjö mánuði ársins. Meira »

Minna um biðlista á landsbyggðinni

05:30 Betur virðist ganga að finna starfsfólk á frístundaheimili landsbyggðarinnar en Reykjavíkur. Í Morgunblaðinu í gær kom fram að enn ætti eftir að manna stöður á frístundaheimilum í Reykjavík en vonast er til þess að vandamálið verði leyst bráðlega. . Meira »

Borgin semur við Borg um borðið

05:30 Trésmiðjan Borg ehf. á Sauðárkróki mun smíða nýtt borð í borgarstjórnarsal Ráðhússins. Gengið var frá samningum í fyrradag.   Meira »

Áhættumat ekki á vetur setjandi

05:30 Áhættumat Hafrannsóknastofnunar vegna slysasleppinga á eldislaxi sætir harðri gagnrýni í skýrslu Laxa fiskeldis ehf. um aukningu á heimildum til laxeldis í sjókvíum í Reyðarfirði. Meira »

Ný göng yrðu lengri

05:30 Gangaleið með tvístefnuumferð er langhagkvæmasti kostur tvöföldunar Hvalfjarðarganga. Þetta er niðurstaða nýrrar skýrslu sérfræðinga Vegagerðarinnar og Mannvits. Meira »

Dálítil rigning í kortunum

Í gær, 23:33 Dálítil rigning eða súld verður í flestum landshlutum næsta sólarhringinn, en úrkomulítið á Suðvesturlandi. Gera má ráð fyrir norðaustanátt, 8-13 metrum á sekúndu, á Vestfjörðum, en annars hægari vindi. Meira »

Góðir hlustendur og sálfræðingar

Í gær, 21:50 Rakarastofa Björns og Kjartans á Selfossi fagnar 70 ára afmæli í dag og verður boðið upp á kaffi og meðlæti í tilefni dagsins. Í haust verður svo afmælispartí. „Þá gerum við afa góð skil,“ segir Kjartan Björnsson hárskeri, einn fjögurra bræðra. Meira »

Nota stór orð til að „dreifa athyglinni“

Í gær, 20:58 Eyþór Arnalds, borgarfulltrúi Sjálfstæðisflokksins, segir það fjarri sannleikanum að fulltrúar flokksins í skipulags- og samgönguráði Reykjavíkur hafi sett á svið „eitthvert leikrit“ þegar þeir gengu af fundi ráðsins í morgun. Meira »

Íhuga nýja málsókn gegn veiðiþjófum

Í gær, 20:44 „Veiðifélagið íhugar það alvarlega að fara í einkamál við þessa þjófa. Sérstaklega á grundvelli þess að þeir hafa nú þegar verið sakfelldir fyrir þjófnað,“ segir formaður veiðifélags Þverár og Kjarrár. Veiðiþjófar sem játuðu sök fyrir dómi voru sýknaðir af skaðabótakröfum og þurftu einungis að greiða 50 þúsund króna sekt. Landssamband veiðifélaga vill að refsirammi slíkra brota verði hækkaður. Meira »
Max
...
Bosch þvottavél til sölu
Góð Bosch þvottavél er til sölu í 108 Reykjavík. Verð: 20.000 kr. Hafið samb...
Ukulele
...
Skrifstofuhúsnæði til leigu
Skrifstofuhúsnæði til leigu að Smiðjuvegi 3. Hentugt fyrir allt að 6 starfsmenn...