Búist er við stormi á Suður- og Vesturlandi á morgun og talsverðri eða mikill i úrkomu suðaustanlands. Þetta kemur fram í viðvörun sem Veðurstofa Íslands hefur sent frá sér.
Veðurstofan spáir hægri austlægri eða breytilegri átt í dag og smá éljum austanlands en annars yfirleitt bjartviðri.
Suðaustan 10-18 m/s og snjókoma eða slydda suðvestan- og vestanlands upp úr miðnætti en 15-23 og rigning eða slydda seint í nótt. Lægir mikið vestantil á landinu undir kvöld á morgun og fer yfir í snjókomu.
Gengur í suðaustan 15-23 á austanverðu landinu í fyrramálið. Snjókoma eða slydda með köflum norðaustan- og austanlands en mikil rigning suðaustantil.
Frost 1 til 10 stig, kaldast á N-landi, en frostlaust með S- og V-ströndinni í dag. Hiti 0 til 5 stig á morgun. Frystir vestanlands annað kvöld.