Hringvegurinn er auður á Suðvestur- og Suðurlandi en sums staðar er nokkur hálka eða hálkublettir á öðrum vegum eins og til dæmis á Suðurstrandavegi og í uppsveitum Árnessýslu. Þetta kemur fram í tilkynningu Vegagerðarinnar.
Hálkublettir eru á Vesturlandi og raunar sums staðar hálka en á Vestfjörðum er hálka víðast hvar.
Hálka er á Norðurlandi en snjóþekja er með Norðausturströndinni og éljagangur mjög víða.
Á Austurlandi er hálka en hálkublettir eru með ströndinni Suðaustanlands.