Spennt og þakklát fyrir boðið til Íslands

Stjórn Tólfunnar hefur samþykkt að aðstoða við söfnunina og við ...
Stjórn Tólfunnar hefur samþykkt að aðstoða við söfnunina og við að gera upplifun þeirra Adam og Catherine á Íslandi sem eftirminnilegasta. mbl.is/Golli

„Þau eru svo gríðarlega spennt og þakklát fyrir það sem allir hafa verið að bjóða þeim, þetta er ótrúlega gaman,“ segir Hannes Freyr Sigurðsson, sem í síðasta mánuði fékk þá hugmynd að bjóða breskum stuðningsmanni Íslands sem stunginn var í París hingað til lands. Nú er nánast búið að klára að skipuleggja ferðina, en maðurinn kemur hingað til lands ásamt kærustu sinni í október næstkomandi.

Er enn að jafna sig eftir árásina

Maðurinn, sem heitir Adam Williams og er lögreglumaður, varð fyrir árás eftir leik Frakklands og Íslands á EM. Hann var á leiknum ásamt Catherine kærustu sinni, en eftir leikinn fóru þau á bar við lestarstöðina Gare du Nord. Þar varð Adam fyrir tilefnislausri árás, en árásarmaðurinn stakk hann tvisvar með hníf.

Í kjölfarið fór Adam í langa og erfiða aðgerð og er enn að jafna sig. Hann hélt loks heim til London miðvikudaginn 13. júlí, tíu dögum eftir aðgerðina, og er enn í endurhæfingu. Að sögn Hannesar ætlar hann sér að vera kominn í gott form þegar kemur að ferðinni til Íslands.

Verður nóg að gera hjá parinu á Íslandi

Stuttu eftir árásina deildi Hannes frétt um at­vikið í face­book­hópnum „Ferðagrúppa fyr­ir EM 2016“ og óskaði eft­ir til­lög­um um hvað hægt væri að gera fyr­ir mann­inn. Fljót­lega kom upp sú hug­mynd að bjóða hon­um hingað til lands ásamt kærustu hans á næsta heima­leik ís­lenska liðsins. Sá leik­ur fer fram 6. októ­ber nk. gegn Finn­landi. Síðar var ákveðið að bjóða þeim einnig á næsta leik eftir það, sem fer fram 9. október og er gegn Tyrklandi.

Adam og Catherine koma því hingað til lands hinn 3. október næstkomandi og verða á landinu í átta daga eða til 11. október. Fjölmörg fyrirtæki hafa boðið fram þjónustu sína og hafa þegar verið útvegaðir flugmiðar báðar leiðir, gisting, þyrluflug, dagsferðir til að skoða náttúru Íslands, miðar á leiksýningu, kvöldmatur, landsliðs- og Tólfubúningar og akstur til og frá flugvellinum.

Ljóst er að nóg verður að gera hjá parinu hér á landi. „Það var auðvelt að bóka gistinguna því það voru svo margir búnir að bjóða fram þjónustu sína. Svo höfum við verið að púsla saman dagsferðum og þess háttar núna. Þau gætu alveg verið lengur hérna miðað við allt sem er búið að bjóða þeim, og þau myndu hafa nóg að gera,“ segir Hannes.

Parið mun mæta með Tólfunni á leikdag til að hita upp fyrir leikina og kynnast stuðningsmönnum Íslands betur. Adam hefur einnig óskað eftir því að fá að þakka fyrir sig í hálfleik ef það er möguleiki. 

Ferðin verði alfarið í boði Íslendinga

Þá var ákveðið að setja af stað söfnun fyrir parið til að ferðin yrði þeim algjörlega að kostnaðarlausu. „Markmið söfnunarinnar er ekki að safna miklum fjármunum heldur aðeins nægu til að þau geti leigt sér bílaleigubíl og borðað á meðan þau eru hér á landi í boði okkar,“ segir Hannes. Adam óskaði hins vegar eftir því að helmingur þess fjár sem safnaðist yrði gefinn til innlendra góðgerðarmála, nánar tiltekið til Barnaspítala Hringsins og til Landsbjargar.

„Þau hafa sagt að þau muni aldrei geta þakkað okkur nógu mikið fyrir góðmennsku okkar eftir þessa erfiðu reynslu og vilja því sýna þakklæti sitt með þessu móti.“

Hefur lengi langað að heimsækja Ísland

Hannes segir að það sé sérstaklega ánægjulegt að bjóða parinu hingað þar sem Adam og Catherine hafi talað um það lengi að heimsækja Ísland. „Þetta er einn af þeim stöðum sem þau langaði mest að ferðast til og það var því sérstaklega gaman að það væri verið að bjóða þeim hingað. Þau eru strax farin að huga að næstu ferð því það er svo margt hér sem þau langar að sjá.

Eftir að Adam voru færðar fréttirnar sagðist hann vera djúpt snortinn og að stuðningurinn hefði skipt sköpum á erfiðum tímum. „Þið hafið snert okk­ur bæði með góðmennsku ykk­ar og stuðning­ur­inn hef­ur end­ur­reist trú okk­ar á mann­kynið,“ sagði hann. „Ég lít svo á að þið hafið fært okk­ur norður­ljós­in ykk­ar á dimm­um tím­um.“

Fyrir þá sem vilja styrkja parið við komuna hingað til lands er reikningsnúmerið 515-14-411483 og kennitalan 521113-0650 en reikningurinn er á nafni Tólfunnar.

Frétt mbl.is: Djúpt snortinn yfir stuðningi Íslendinga

Frétt mbl.is: Hrærð yfir boðinu til Íslands

Frétt mbl.is: Vilja bjóða stuðnings­manni til Íslands

Frétt mbl.is: Stuðnings­maður Íslands stung­inn í Par­ís

mbl.is

Innlent »

Fyrsta beina leiguflugið til Grænhöfðaeyja

12:40 Fyrsta beina leiguflugið frá Íslandi til Grænhöfðaeyja (e. Cabo Verde) fór í loftið fyrr í vikunni á vegum ferðaskrifstofunnar VITA. Fyrstu farþegarnir fengu rennblautar heiðursmóttökur frá slökkviliðinu eins og venjan er eftir jómfrúrflug. Meira »

Segist ekki vilja ræða ólöglegar upptökur

12:08 „Ég tel óforsvaranlegt að formaður stjórnskipunar- og eftirlitsnefndar ætli að halda fund til að ræða ályktanir sem hún vill sýnilega draga af illa sundurklipptum hljóðupptökum af veitingastofuspjalli sem aflað var með refsiverðum aðferðum.“ Meira »

Var ekki beittur þrýstingi

11:58 Guðlaugur Þór Þórðarson utanríkisráðherra sagði á fundi stjórnskipunar- og eftirlitsnefndar að hann hefði aldrei lofað því að Gunnar Bragi Sveinsson, þingmaður Miðflokksins og fyrrverandi utanríkisráðherra, yrði skipaður sendiherra, og að það stæði ekki til að skipa hann í stöðuna. Meira »

Holtavörðuheiði lokað í tvo tíma

11:50 Holtavörðuheiði verður lokuð í um tvær klukkustundir milli 13.30 og 15.30 þegar vöruflutningabíl verður komið aftur á veginn, en hann fór út af veginum og valt í morgun. Engin slys urðu á fólki. Meira »

Ber ekki ábyrgð á álagi fyrrverandi

11:34 Fjárnám sem gert hafði verið í fasteign konu vegna álags á vantalda skatta fyrrverandi sambúðarmanns hennar var í dag fellt úr gildi af Hæstarétti. Taldi rétturinn að þó fólkið hafi verið samskattað þegar skattarnir voru vangreiddir, þá nái álagið í formi refsikenndra viðurlaga ekki til konunnar. Meira »

Rafleiðni svipuð og þegar brúin fór

11:32 Reynir Ragnarsson hefur sinnt rafleiðnimælingum í Múlakvísl í 20 ár. Við mælingar í morgun mældist hún 300 míkrósímens á sentimetra, en venjuleg rafleiðni í ánni er í kringum 100. Rafleiðnin nú er svipuð og gerðist árið 2011 þegar brúin yfir Múlakvísl hrundi í hlaupinu 2011. Meira »

Borgarstjóri sendir samúðarkveðju

11:28 Dagur B. Eggertsson borgarstjóri hefur sent samúðarkveðju til Gdansk vegna morðsins á borgarstjóranum Pawel Adamowicz.   Meira »

Hefur ekkert með skipanina að gera

11:11 „Ég verð að halda því til haga mér að sýnist að aðdragandi þess að halda þennan opna fund sé ekki eins og reglurnar kveða á um en það truflar mig ekkert,“ sagði Bjarni Benediktsson við upphaf opins fundar stjórnskipunar- og eftirlitsnefndar Alþingis í dag. Meira »

Játar vanda en tjáir sig annars ekki

11:03 „Við höfum átt í einhverjum vandamálum með að afla fé, en við höfum stjórn á stöðunni og höldum áfram með öll okkar verkefni. Þannig að það er engin dramatík í þessu,“ segir Hans Christian Munck, framkvæmdastjóri Munck Íslandi ehf., við mbl.is þegar hann er spurður um lausafjárstöðu félagsins. Meira »

„Mun ekki taka þátt í þessari sýningu“

10:45 Helga Vala Helgadóttir, formaður stjórnskipunar- og eftirlitsnefndar, las upp yfirlýsingar þeirra Gunnars Braga Sveinssonar og Sigmundar Davíðs Gunnlaugssonar, þingmanna Miðflokksins, við upphaf fundar sem fer fram vegna ummæla Gunnars Braga á barnum Klaustri um högun skipunar í embætti sendiherra. Meira »

Engin rútustæði í Hafnarfirði

10:45 Skipulags- og byggingaráð hefur vísað erindi Ferðamálasamtaka Hafnarfjarðar um rútustæði í miðbæ Hafnarfjarðar til vinnslu miðbæjarskipulags. Meira »

Allt að 53% munur á leikskólagjöldum

10:42 Leik­skóla­gjöld eru hæst í Garðabæ en lægst í Reykja­vík. Gjöld­in hækkuðu milli ára í þrettán af sex­tán sveit­ar­fé­lög­um lands­ins en lækkuðu í þrem­ur sveit­ar­fé­lög­um. Þetta er meðal þess sem kem­ur fram í nýrri út­tekt verðlags­eft­ir­lits ASÍ á leik­skóla­gjöld­um sveit­ar­fé­lag­anna. Meira »

Bilun í búnaði RB

10:36 Bilun kom upp í búnaði hjá RB í nótt sem gera það að verkum að hreyfingar sjást ekki í netbanka Landsbankans og Íslandsbanka. Staða reikninga í grunnkerfum RB er engu að síður rétt og öll greiðsluvirkni er í lagi. Meira »

Fáir nota endurskinsmerki

10:33 Einungis tveir af tíu voru með endurskinsmerki samkvæmt könnun VÍS á endurskinsmerkjanotkun unglinga í grunnskóla og fólks á vinnustað. Unglingarnir stóðu sig aðeins betur en þeir fullorðnu en þar munaði mest um endurskin á töskum. Meira »

Opinn fundur vegna skipunar sendiherra

10:20 Fundur stjórnskipunar- og eftirlitsnefndar Alþingis fer fram klukkan 10:30 í dag, en á fundinum verður til umræðu skip­un Geirs H. Haar­de og Árna Þórs Sig­urðsson­ar í embætti sendi­herra í ljósi um­mæla sem Gunn­ar Bragi lét falla um hög­un skip­un­ar­inn­ar á barn­um Klaustri í nóv­em­ber. Meira »

Setjast að samningaborðinu með SA

10:08 Fundur hófst hjá Ríkissáttasemjara í kjaradeilu VR, Eflingar, Verkalýðsfélaga Akraness og Grindavíkur og Samtaka atvinnulífsins (SA) nú klukkan tíu. Er þetta þriðji fundur deiluaðila frá því að félögin fjögur vísuðu málinu til sáttasemjara. Meira »

Kæra tegundasvindl til lögreglu

09:17 Matvælastofnun hefur óskað eftir rannsókn lögreglu á meintu tegundasvindli með fisk til útflutnings. Íslenskt fiskvinnslufyrirtæki er grunað um að hafa selt íslenskri umboðsverslun með fisk og fiskafurðir verðlitlar fiskafurðir (keilu) sem verðmeiri vöru (steinbít) á árunum 2010 og 2011. Meira »

Rafleiðni í Múlakvísl enn há

08:24 Rafleiðni í Múlakvísl mælist enn há og mæld vatnshæð hefur hækkað lítillega í nótt. Sérfræðingar Veðurstofu Íslands munu fara yfir stöðuna og átta sig betur á umfangi hlaupsins þegar birtir. Meira »

Stúdentspróf í tölvuleikjagerð

08:18 Menntamálaráðuneytið hefur heimilað Keili – miðstöð vísinda, fræða og atvinnulífs að fara af stað með nýja námsleið til stúdentsprófs. Er það í fyrsta sinn frá stofnun Keilis árið 2007 sem það er gert. Meira »
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 204.000 km...
Múrverk
Múrverk...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
Eyjasól sumarhús, lausar helgar..
Dagar í hlýjum og góðum sumarh. Rúm fyrir 5-6. Leiksvæði. Stutt að Geysi, Gullfo...