Miðað er við 13 ára gamla gjaldskrá við útreikning endurgreiðslu tannlæknakostnaðar eldri borgara og því fá þeir í raun um helmingi lægri endurgreiðslu en reglugerð kveður á um.
Um helmingur ellilífeyrisþega fer ekki til tannlæknis vegna mikils kostnaðar, að því er fram kemur í umfjöllun um þetta efni í Morgunblaðinu í dag.
Óttarr Proppé heilbrigðisráðherra segir þar að ekki sé gert ráð fyrir breytingum á þessari endurgreiðslu á fjárlögum þessa árs.