Þriðjungur þekkti hættumerkingar

Konur fara frekar en karlar eftir leiðbeiningum um notkun á ...
Konur fara frekar en karlar eftir leiðbeiningum um notkun á vörum sem bera hættumerkingar og eru ólíklegri til að kaupa slíkar vörur. Myndin tengist fréttinni ekki beint. mbl.is/Sverrir Vilhelmsson

Í nýlegri könnun Umhverfisstofnunar kom í ljós að 32% aðspurðra þekktu hættumerki á neytendavörum en um 45% töldu að úreldar, eldri merkingar væru þær réttu.

Einnig kom í ljós að konur fara frekar en karlar eftir leiðbeiningum um notkun á vörum sem bera hættumerkingar og eru ólíklegri til að kaupa slíkar vörur.

Alþjóðlegar reglur um merkingar á hættulegum efnavörum hafa alfarið tekið gildi hér á landi en þær eiga við um ýmsar algengar neytendavörur s.s. hreinsiefni, stíflueyða, grillvökva, duft fyrir uppþvottavélar og fleira, að því er segir í tilkynningu á vef Umhverfisstofnunar.

Umhverfisstofnun lét gera könnun á stöðu þekkingar meðal almennings á þessu sviði árið 2015 og var hún endurtekin nú.

Þrjár spurningar sem tengjast hættumerktum efnavörum, þær sömu og 2015, voru lagðar fyrir í Þjóðargátt Maskínu í nóvember síðastliðnum og bárust svör frá 830 manns.

Fyrst var spurt hvort fólk þekkti hættumerkin sem notuð eru til þess að gefa til kynna hættueiginleika efnavara og þar kom í ljós að 32% aðspurðra þekktu merkin sem ber að nota samkvæmt núverandi löggjöf samanborið við 9% í könnuninni 2015.

Í fyrri könnun bentu 91% svarenda á eldri merki sem hafa verið notuð um árabil en heyra nú sögunni til, en nú er það hlutfall komið niður í 45%. Það er því ljóst að þekking almennings hvað þetta varðar hefur aukist á tímabilinu, þó vissulega megi gera betur, segir í tilkynningunni.

Þegar spurt var hvort fólk væri líklegra eða ólíklegra til að kaupa efnavöru ef hún bæri hættumerkingar taldi 41% sig vera miklu eða nokkru ólíklegri til þess nú. Hlutfallið var 48% í síðustu könnun. Karlar sögðust líklegri til að kaupa hættumerktar vörur en konur.

Loks var spurt hvort fólk færi eftir notkunarleiðbeiningum sem tilgreindar eru á umbúðum hættumerktra efnavara og 19% svarenda sagðist stundum gera það, en 70% oftast eða alltaf, sem gerir samtals 89%.

Sambærileg hlutföll voru 13% og 81% í fyrri könnun eða samtals 94% og því virðist að þeim hafi fækkað sem lesa leiðbeiningar fyrir þessar vörur. Konur fara oftar eftir notkunarleiðbeiningum en karlar hafa þó dregið á þær hvað þetta varðar frá síðustu könnun.

mbl.is

Innlent »

Fá að setja salerni við Grjótagjá

14:39 „Ég er mjög ánægður með þessa niðurstöðu, en það hefur bara tekið allt of langan tíma að fá niðurstöðu í málið. Við höfum beðið síðan í apríl,“ segir Þorsteinn Gunnarsson, sveitarstjóri Skútustaðahrepps. Leyfi hefur verið veitt til þess að koma fyrir salernisaðstöðu og bílastæðum við Grjótagjá. Meira »

Þurfti að loka nokkrum búðum vegna bilunar

13:44 Bilun varð í tölvukerfi ÁTVR í morgun sem leiddi til þess að ekki var hægt að afgreiða viðskiptavini í Vínbúðum og þurfti að loka nokkrum verslunum um tíma. Meira »

60 milljónir aukalega ekki á borðinu

13:08 „Ég er tilbúin að koma að, eins og ég hef áður sagt, með þessar 60 milljónir sem gætu orðið til þess að liðka fyrir en aðra aðkomu hef ég ekki að samningagerð,“ segir Svandís Svavarsdóttir heilbrigðisráðherra. Meira »

Gísli verður bæjarstjóri Árborgar

13:03 Gísli Halldór Halldórsson fyrrverandi bæjarstjóri Ísafjarðarbæjar verður næsti bæjarstjóri Árborgar. Þetta staðfestir Eggert Valur Guðmundsson, formaður bæjarráðs Árborgar í samtali við mbl.is. Meira »

Stemma áfrýjar gegn Sigmari Vilhjálmssyni

11:12 Félagið Stemma hf., sem er í meirihlutaeigu Skúla Gunnars Sigfússonar, hefur áfrýjað dómi Héraðsdóms Reykjavíkur í máli Sigmars Vilhjálmssyni og Sjarms og Garms ehf. gegn félaginu. Meira »

Níu sóttu um starf sveitarstjóra

11:11 Níu umsækjendur eru um stöðu sveitarstjóra Tálknafjarðarhrepps en einn dró umsókn sína til baka.   Meira »

Fullveldishátíð haldin hátíðleg á Hrafnistu

10:02 Í tilefni af 100 ára fullveldisafmæli Íslands var blásið til veglegrar veislu á Hrafnistu í gær, en hátíðin var sérstaklega haldin til heiðurs svonefndum fullveldisbörnum, eða þeim sem fæddir eru 1918 eða fyrr. Alls boðuðu um tuttugu fullveldisbörn komu sína í veisluna. Meira »

Framkvæmdir á Breiðholtsbraut

09:45 Á morgun, laugardaginn 21. júlí, hefst uppsteypa brúargólfs nýrrar göngubrúar yfir Breiðholtsbraut milli Seljahverfis og Fellahverfis. Meira »

Í styrjöld við þá stétt sem allir dá mest

09:39 Össur Skarphéðinsson, fyrrverandi þingmaður Samfylkingarinnar og utanríkisráðherra, segir „fullveldisfárið“ snúast um „danskan gest sem segi íslenskum þingmönnum að þeir séu dónar og eigi við kynþroskavanda að stríða“. Meira »

Sólin gleði vikunnar

09:17 Það þarf ekki mikið til að gleðja Þorvald Davíð Kristjánsson og Auði Jónsdóttur, sem fóru yfir vikuna í hnotskurn í morgunþættinum Ísland vaknar. Tveir sólardagar voru gleði vikunnar. Meira »

Skildu hvolp eftir í lengri tíma

09:11 Matvælastofnun hefur nýverið tekið dýr úr vörslum umráðamanna þar sem aðbúnaður stóðst ekki þær kröfur sem gerðar eru samkvæmt lögum um velferð dýra, annars vegar reglugerðar um velferð hrossa og hins vegar reglugerðar um velferð gæludýra. Meira »

Vopnaður maður á Svalbarðseyri

09:05 Lögreglunni á Norðurlandi eystra barst tilkynning um klukkan þrjú í nótt um mann á Svalbarðseyri sem hefði sést handleika vopn á almannafæri. Meira »

Landsmönnum fjölgaði um 2.360

09:03 Um mitt ár bjuggu 353.070 manns á Íslandi, 180.420 karlar og 172.650 konur. Landsmönnum fjölgaði um 2.360 á 2. ársfjórðungi eða um 0,7%. Á höfuðborgarsvæðinu bjuggu 225.210 manns en 127.860 utan þess. Meira »

Jarðskjálfti í Bárðarbungu

08:34 Í morgun kl. 06:28 varð skjálfti af stærð 3,4 í sunnanverðri Bárðarbunguöskjunni. Lítið er um eftirskjálfta og enginn gosórói mælist. Meira »

Brá sér einnig frá í kvöldverðinum

07:45 Helga Vala Helgadóttir, þingmaður Samfylkingar, vék úr sal í mótmælaskyni þegar Pia Kjærsgaard, forseti danska þjóðþingsins, ávarpaði gesti hátíðarkvöldverðar á Hótel Sögu í fyrradag. Meira »

Vill segja sem minnst um veðrið

06:33 „Best að segja sem minnst um veðrið [í] næstu viku, því ekki virðist blessuð sólin ætla að sýna sig mikið,“ segir veðurfræðingur á Veðurstofu Íslands. Í dag er spáð rigningu sunnan- og vestanlands og helgarspáin „því miður lítt skárri“. Meira »

Börnin hans Hemma Gunn í Magasínið

06:30 Börnin hans Hemma Gunn slógu í gegn á sínum tíma. Þau mæta Í Magasínið, síðdegisþátt K100 á næstu dögum. Fanney Sigurðardóttir reið á vaðið. Hún segist muna þetta líkt og gerst hefði í gær. Meira »

Vatnasund nýtur vaxandi vinsælda

06:30 Við Hafravatn var hópur fólks að synda í blíðviðrinu í dag. Þau sögðust vera að æfa fyrir Urriðavatnsþrautina sem fram fer á Egilstöðum laugardaginn 28. júlí. Sundið er þriðja þrautin af fjórum, í Landvætta áskorun sem þau taka þátt í á vegum Ferðafélags Íslands. Meira »

Er vonsvikinn með vaxandi skattbyrði

05:30 Óli Björn Kárason, þingmaður Sjálfstæðisflokksins og formaður efnahags- og viðskiptanefndar, lýsir yfir vonbrigðum sínum með þróun skattbyrðar á tímabilinu 2009-2017, en svar fjármála- og efnahagsráðherra við fyrirspurn Óla Björns um skatttekjur ríkissjóðs á árunum 2009-2017 birtist nýlega á vef Alþingis. Meira »