Flugfreyjur hjá flugfélaginu WOW felldu kjarasamning við félagið í annað sinn á tæpum þremur mánuðum. Félagsmenn kusu um samninginn í gær. 54,5% sögðu nei, 44% sögðu já en 1,5% tók ekki afstöðu. Kjörsókn var 74% eða 360 af 486 félagsmönnum greiddu atkvæði.
„Við erum að meta stöðuna. Við þurfum að hlusta á félagsmenn okkar,“ segir Orri Þrastarson, varaformaður Flugfreyjufélags Íslands. Samningar hafa verið lausir hjá Flugfreyjum WOW frá því í september 2016.
Orri segir að það hafi hafi komið sér á óvart að samningurinn hafi verið felldur.
Í desember síðastliðnum felldu flugfreyjur WOW einnig kjarasamninginn.