Óskaði eftir liðsinni í máli Hauks

Katrín og Merkel á blaðamannafundi í dag.
Katrín og Merkel á blaðamannafundi í dag. AFP

„Hann var nú bara mjög gagnlegur og góður og skemmtilegur. Það er ljóst að það skiptir okkur Íslendinga mjög miklu að rækta samskipti við Þýskaland og Þjóðverja svo ég fagna því að hafa fengið þennan ágæta fund,“ segir Katrín Jakobsdóttir forsætisráðherra sem fyrr í dag fundaði með Angelu Merkel, kanslara Þýskalands.

Í samtali við mbl.is segir Katrín að hún og Merkel hafi farið vítt yfir sviðið í samræðum sínum í dag. Meðal annars óskaði Katrín þess að íslenskir embættismenn mættu leita liðsinnis þýskra kollega sinna varðandi leitina að Hauki Hilmarssyni, sem sagður er að hafi fallið í árás tyrkneska hersins í Afrín-héraði í Sýrlandi.

„Við ræddum ástandið í Tyrklandi og í tengslum við það óskaði ég þess að okkar embættismenn mættu leita liðsinnis þýskra kollega sinna í því máli, í ljósi þess að þetta er ekki mál sem við erum vön að fást við á hverjum degi,“ segir Katrín.

Fóru yfir flóttamannaumræðuna í Þýskalandi

Leiðtogarnir ræddu einnig flóttamannamál og þróunarsamvinnu, sem Merkel hefur sett á oddinn í sinni pólitík.

„Hún fór yfir það hversu miklu það skipti fyrir velferð okkar á Vesturlöndum að tryggja einnig velferð annarra heimshluta einmitt í gegnum þróunarsamvinnu,“ segir Katrín, en þær ræddu einnig þann mótbyr sem Merkel hefur mætt innan Þýskalands vegna stefnu sinnar í flóttamannamálum.

„Við fórum yfir þau mál og umræðuna um þau mál í Þýskalandi,“ segir Katrín og bætir því við að Merkel sé búin að vera lengi að störfum í pólitík og hafi mikla þekkingu og greiningarhæfni þegar komi að stjórnmálum.

„Það eru auðvitað forréttindi að fá að ræða við slíkt fólk,“ segir Katrín.

Angela Merkel og Katrín Jakobsdóttir ganga hlið við hlið fyrir ...
Angela Merkel og Katrín Jakobsdóttir ganga hlið við hlið fyrir utan kanslarahöllina í Berlín. AFP

Ræddu um útgöngu Bretlands úr ESB

Einnig ræddu þær Katrín og Merkel um stjórnmálaástandið í ríkjunum tveimur.

„Bæði hafði hún heilmikinn áhuga á að fræðast um íslenskt stjórnmálaástand, sem ég gerði mitt besta til að skýra og við fórum svo yfir stöðuna í Þýskalandi sem eru um margt óvenjuleg eftir langan aðdraganda að myndun ríkisstjórnar,“ segir Katrín.

Bretland er á leið út úr Evrópusambandinu og það bar á góma.

Merkel og Katrín á blaðamannafundi fyrir fund þeirra í dag.
Merkel og Katrín á blaðamannafundi fyrir fund þeirra í dag. AFP

„Ég lagði mikla áherslu á það að við myndum vilja bæði vinna ötullega að halda áfram að vera virk í EES-samningnum, en um leið að við myndum auðvitað áfram eiga góð samskipti við Bretland. Síðan ræddum við stöðuna innan Evrópu og stöðuna á alþjóðasviðinu, þannig að það var eiginlega allt undir á þessum ágæta fundi,“ segir Katrín.

Ítrekaði heimboð nemenda við Fjölbraut í Ármúla

Á blaðamannafundi áður en Katrín og Merkel gengu til fundar minnti sló forsætisráðherra á létta strengi og minnti kanslarann á boð nemenda við Fjölbrautaskólann í Ármúla um að koma til Íslands í heimsókn og tók Merkel vel í það að láta verða af Íslandsför.

„Hún mundi eftir þessum ágæta fundi þar sem hún hafði hitt þessa nemendur og við ræddum það og ég ítrekaði þetta boð – að hún væri mjög velkomin til Íslands. Hún spurði mig líka töluvert um íslenska landafræði og náttúru,“ segir Katrín, sem sagðist þakklát fyrir að hafa náð að rifja upp helstu staðreyndir um þau mál frá skólagöngu sinni.

Horfa má á blaðamannafund Katrínar og Merkel hér að neðan.



mbl.is

Innlent »

Yfirvinnubann ljósmæðra hafið

00:08 Yfirvinnubann ljósmæðra tók gildi nú á miðnætti en Páll Matthíasson, forstjóri Landspítalans, sagði í samtali við mbl.is fyrr í dag að hættuástand væri að skapast á spítalanum. Meira »

„Talsverð rigning“ annað kvöld

Í gær, 23:16 Veðurblíðan sem ríkt hefur á höfuðborgarsvæðinu í gær og dag er á enda, í bili að minnsta kosti. Veðurspár gera ráð fyrir heillrigningu á suðvesturhluta landsins síðdegis á morgun og annað kvöld. Meira »

Bústaður og bíll brunnu til kaldra kola

Í gær, 22:37 Sumarbústaður og bifreið í Tungunum á Suðurlandi brunnu til kaldra kola síðdegis í dag. Viðbragðsaðilum barst tilkynning vegna eldsvoðans um klukkan hálf fimm í dag. Meira »

Útkall vegna fólksbíls í Krossá

Í gær, 22:09 Útkall barst lögreglunni á Hvolsvelli og björgunarsveitum á Suðurlandi rétt eftir klukkan sex í kvöld um fólksbíl sem hefði farið ofan í Krossá. Bíllinn, sem var ekki útbúinn fyrir slíkar torfærur, komst ekki langt yfir ána áður en hann byrjaði að fljóta með straumnum. Tveir erlendir ferðamenn voru í bílnum og sluppu þeir við meiðsli, segir varðstjóri lögreglunnar á Hvolsvelli. Meira »

Svæðið ekki lokað á hálendiskorti

Í gær, 21:11 Leiðin á milli Kerlingarfjalla og Setursins undir Hofsjökli var ekki merkt lokuð á hálendiskorti Vegagerðarinnar þegar tveir ökumenn festu jeppa sína utan vegar á svæðinu á sunnudag. Meira »

Mikil samstaða með ljósmæðrum

Í gær, 21:05 Mikil samstaða var meðal fólks sem safnaðist saman á Austurvelli í dag til þess að vekja athygli á slæmri stöðu sem upp er komin vegna kjaradeilu ljósmæðra. Nokkur hundruð manns mættu á svæðið. Meira »

Kjærsgaard ávarpar Alþingi

Í gær, 20:56 Forseti danska þingsins, Pia Kjærsgaard, mun flytja ávarp á hátíðarfundi Alþingis á Þingvöllum á morgun. Kjærsgaard er fyrrverandi formaður Danska þjóðarflokksins og stofnandi flokksins en flokkurinn hefur rekið harða stefnu í málefnum innflytjenda. Meira »

„Það er frost!“

Í gær, 20:01 Bóndinn Unnsteinn Hermannsson í Dalabyggð, rétt austan við Búðardal, birti síðastliðna nótt myndskeið þar sem sjá má hvar hann er við slátt á bænum Svarfhóli í Laxárdal í frosti. Meira »

Ammoníakleki í húsnæði Hvals

Í gær, 19:41 Slökkviliðið á höfuðborgarsvæðinu var kallað út vegna ammoníakleka í húsnæði Hvals hf. í Hafnarfirði um fimmleytið í dag. Tveir dælubílar voru sendir á vettvang ásamt bíl sem er sérstaklega útbúinn til þess að eiga við eiturefnaleka, segir Bjarni Ingimarsson, aðstoðarvarðstjóri slökkviliðsins, í samtali við mbl.is. Meira »

Funda með MAST um heyútflutning

Í gær, 19:34 Fulltrúar Matvælastofnunar funduðu með fulltrúum norskra yfirvalda í gær í þeim tilgangi að skoða fýsileika þess að flutt verði hey frá Íslandi til Noregs. Þetta segir framkvæmdastjóri markaðsstofu MAST. Útflutningnum er ætlað að mæta fóðurskorti sem orðið hefur í Noregi vegna mikilla þurrka. Meira »

738 leituðu sér aðstoðar vegna áverka eftir hund

Í gær, 18:59 Samtals 738 einstaklingar leituðu sér aðstoðar á sjúkrahúsum og heilsugæslum hér á landi á fimm ára tímabili frá 2013 til 2017 vegna áverka eftir hund. Að meðaltali gera það 147 skipti á ári. Fæst voru þau árið 2015 eða 123 talsins, en flest árið 2014 þegar tilvikin voru 163. Meira »

„Við erum að tala um fæðandi konur“

Í gær, 18:33 „Ástandið hefur verið erfitt, alveg frá mánaðamótum,“ segir Páll Matthíasson, forstjóri Landspítalans. Yfirvinnubann ljósmæðra hefst á miðnætti en næsti fundur í kjaradeilunni er eftir sex daga. Meira »

Isavia ósammála niðurstöðunni

Í gær, 18:29 „Isavia vill taka það fram að farið verður að ákvörðun Samkeppniseftirlitsins og gjaldtöku hætt strax í dag.“ Þetta kemur fram í tilkynningu frá Isavia en fyrr í dag úrskurðaði Samkeppniseftirlitið að Isa­via ohf. skyldi tíma­bundið hætta gjald­töku á ytri rútu­stæðum (fjar­stæðum) við Flug­stöð Leifs Ei­ríks­son­ar meðan Sam­keppnis­eft­ir­litið skoðar kæru Gray Line. Meira »

Eini sumardagurinn í bili

Í gær, 18:19 Veður hefur verið með besta móti á höfuðborgarsvæðinu í dag og nýttu ferðamenn jafnt sem Íslendingar langþráð blíðviðrið til þess að spóka sig í miðborginni. Veðurfar hefur ekki verið upp á marga fiska og hefur grámi og væta sett svip sinn á höfuðborgarsvæðið í sumar. Meira »

„Algjört virðingarleysi við konur“

Í gær, 17:36 „Mér finnst þetta algjört virðingarleysi við konur yfir höfuð. Þetta endar ekki vel ef þetta heldur svona áfram. Þetta er grafalvarlegt mál,“ segir Hildur Sólveig Ragnarsdóttir ljósmóðir í samtali við mbl.is. Meira »

Komu heim á tryggingunni

Í gær, 17:34 Ferðaskrifstofa Austurlands fór í rekstrarstöðvun í apríl, en á sama tíma var hópur á vegum fyrirtækisins staddur í Alicante á Spáni. Virkja þurfti lögbundnar tryggingar Ferðamálastofu til þess að koma hluta hópsins heim til Íslands. Meira »

Fyllast von þegar sólin lætur sjá sig

Í gær, 17:06 Íbúar höfuðborgarsvæðisins hafa margir orðið varir við auknar vegaframkvæmdir á síðustu tveimur sólarhringum, svo sem í Ártúnsbrekku. Fyrirsvarsmenn malbikunarfyrirtækja á höfuðborgarsvæðinu hafa beðið óþreyjufullir að undanförnu eftir þurru og hlýju veðri svo unnt sé að klára þau stóru verk sem hafa hrannast upp í vætutíðinni. Meira »

Kostnaður við aðstoðarmenn 427 milljónir

Í gær, 15:53 Áætlaður heildarlaunakostnaður ríkisins vegna aðstoðarmanna ráðherra og ríkisstjórnar er 427 milljónir á þessu ári, en ráðherrar og ríkisstjórnin eru með samtals 22 aðstoðarmenn. Meira »

Sólböð og ísát í veðurblíðunni

Í gær, 15:41 Víða er veðurblíða á landinu í dag en samkvæmt vef Veðurstofu Íslands er hæstu hitatölurnar að finna á Suðurlandi. Hitinn fór mest upp í 17,1 stig á Básum í Goðalandi. „Hér er alveg bongó,“ segir Freyja Ingadóttir, skálavörður í Básum, í samtali við mbl.is. Meira »