Starfsfólk Landhelgisgæslunnar í Keflavík rauk upp til handa og fóta fyrir skemmstu þegar tilkynning um óboðinn gest barst frá öryggiskerfum í húsnæðinu. Leitaði starfsfólk af sér allan grun en enginn sekur fannst á svæðinu.

Stuttu síðar náðist hinn seki hins vegar á upptöku öryggismyndavélar og var hann aðeins loðnari og minni en búist hafði verið við. Um var að ræða kött sem hafði tekist að fela sig vandlega á meðan leit stóð yfir, en skellti sér á stjá þegar enginn sá til, eða svo hélt hann.

Landhelgisgæslan greinir frá heimsókn kattarins á Facebook-síðu sinni. „Þessu krútti var komið í öruggar hendur eigenda sinna eftir ofurspennandi ævintýraferð um svæði Landhelgisgæslunnar á Keflavíkurflugvelli,“ segir í færslunni.

Tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið

» Fleiri tengdar fréttir

• Blogga um frétt