Flugsveit frá danska flughernum sinnir loftrýmisgæslu á Íslandi um þessar mundir en 60 liðsmenn hans komu til landsins á dögunum í þeim tilgangi.
Flugmenn sveitarinnar hafa verið við æfingar við landið á F-16 orrustuþotum sínum og voru þær í dag við æfingar á Eyjafjarðarsvæðinu þar sem meðfylgjandi mynd náðist.
Flugsveitin er staðsett á öryggissvæðinu á Keflavíkurflugvelli en ráðgert er að verkefninu ljúki um næstu mánaðamót.