Heilsa ehf. hefur, að höfðu samráði við matvælaeftirlit Heilbrigðiseftirlits Reykjavíkur, innkallað fæðubótarefnið Guli miðinn - B-súper vegna þess að það inniheldur of mikið af B6-vítamíni.
Neytendum sem hafa keypt vöruna er bent á að neyta hennar ekki eða farga eða skila henni til þeirrar verslunar þar sem hún var keypt gegn endurgreiðslu.
Innköllunin á við allt fæðubótarefni Gula miðans sem ber nafnið B-súper og einskorðast ekki við ákveðnar framleiðslulotur að því er fram kemur í fréttatilkynningu frá Heilbrigðiseftirliti Reykjavíkur.