Maðurinn sem þyrla Landhelgisgæslunnar sótti í norskt fiskiskip undan Suðausturlandi í gær er látinn, samkvæmt upplýsingum frá lögreglunni í Vestmannaeyjum.
Maðurinn var norskur ríkisborgari.
Þyrla Landhelgisgæslunnar var kölluð út á þriðja tímanum í gær, eftir að boð bárust frá skipinu um að slys hefði orðið um borð.
Norska skipið kom til hafnar í Vestmannaeyjum í nótt.