Bláklætt fólk er tekið að tínast inn í Hljómskálagarðinn þar sem leikur Íslands og Argentínu verður sýndur í beinni útsendingu klukkan 13. Ljósmyndari mbl.is leit þar við um klukkan 12 og fjölgaði nokkuð á svæðinu á þeim tíma sem hann var þar.
Veður er ágætt, einhver væta en stilltur vindur og þokkalega hlýtt. Veitingasala er á svæðinu og er þar sömuleiðis hægt að kaupa bjór.