Á næstu mánuðum verður starfsemi verkfræðistofunnar Eflu flutt af Höfðabakka í Reykjavík.
Í byggingunni þar hafa greinst rakaskemmdir og mygla, sem kallar á umfangsmiklar viðgerðir. Rýma þarf húsið af þeim sökum og því ákvað Eflufólk að færa starfsemina í hús við Lyngháls.
Efla fær því að kenna á skaðvaldinum sem stofan hefur barist gegn með viðskiptavinum sínum, að því er fram kemur í umfjöllun um mál þetta í Morgunblaðinu í dag.