Hægviðri og skúrir

Í dag spáir Veðurstofan vestan og síðar suðvestan 8-13 m/s, en hægari vindi vestanlands. Víða verða dálitlar skúrir en léttir til á Austurlandi. Hiti verður 1 til 9 stig, mildast suðaustanlands.

Þá er spáð sunnangolu eða -kalda á morgun. Þurrt og bjart veður verður á Norður- og Norðausturlandi en skúrir í öðrum landshlutum. Hiti 3 til 8 stig. 

Veðurútlit er svipað á mánudag en á þriðjudag er búist við rigningu eða slyddu um mestallt land.

Veðurhorfur næstu daga:

Á sunnudag og mánudag:
Sunnan 3-8 og stöku skúrir, en þurrt og bjart veður norðanlands. Hiti 1 til 7 stig að deginum. 

Á þriðjudag:
Norðaustan 8-15 og rigning eða slydda, en úrkomulítið vestanlands. Hiti yfirleitt 0 til 5 stig. Norðvestlægari um kvöldið og rofar til sunnan heiða. 

Á miðvikudag:
Vestlæg átt og skúrir eða él, en léttskýjað austanlands. Hiti 0 til 5 stig. 

Á fimmtudag:
Sunnanátt og rigning, en úrkomulítið norðaustanlands. Hiti 3 til 10 stig. 

Á föstudag:
Vestlæg átt og stöku skúrir eða él, en bjartviðri austanlands. Kólnandi veður.

• Blogga um frétt