Meirihluti Íslendinga er hlynntur banni á einnota plastpokum, en tæpt 41% svarenda kvaðst mjög hlynnt og tæpt 21% kvaðst frekar hlynnt banni í könnun MMR sem framkvæmd var í ágúst.

21% svarenda var andvígt banni á einnota plastpokum og 9% voru mjög andvíg.

Svarendur í yngsta aldurshópnum, 18 til 29 ára, voru líklegastir til að vera fylgjandi banni á einnota plastpokum, en andstaðan jókst með hækkandi aldri. Þá voru konur líklegri til að vera banninu hlynntar en karlmenn, eða 69% á móti 54%.

Háskólamenntaðir svarendur voru líklegastir til vera fylgjandi banni, en með lægra menntunarstigi minnkaði fylgið. Stuðningsfólk Samfylkingarinnar, Pírata og Vinstri grænna var líklegast til að vera fylgjandi banni, 71%, 69% og 65%, en stuðningsfólk Sjálfstæðisflokksins, Viðreisnar og Flokks fólksins líklegast til að vera andvígt banni.

Tengdar fréttir

Umhverfisvitund

97 aðgerðir hafa neikvæð áhrif

• Loftmengun í brennidepli á degi hreins lofts
• Bjóða í jarðir til að kolefnisjafna
• Jöklarnir hopa í öllum álfum heimsins
• Reistu legsteina við Gróttu til að minnast horfinna jökla

» Fleiri tengdar fréttir

• Blogga um frétt