Framsóknarmenn í Suðvesturkjördæmi samþykktu á kjördæmisþingi framsóknarmanna í kjördæminu að hafna þriðja orkupakkanum.

Í stjórnmálaályktun sem samþykkt var á þinginu kemur fram að margt hafi áunnist með EES-samningnum en að þess þurfi að gæta að ekki verði tekið upp ónauðsynlegt og hamlandi regluverk sem sniðið er að aðstæðum á meginlandi Evrópu.

Lilja Alfreðsdóttir, varaformaður Framsóknarflokksins, segir miklar efasemdir meðal framsóknarmanna um innleiðingu þriðja orkupakkans. „Þetta verður rætt á haustfundi miðstjórnar um næstu helgi. Flokksþing hefur ályktað gegn orkupakkanum og þetta er eitthvað sem okkar bakland vill fara gaumgæfulega yfir, enda rík ástæða til,“ segir Lilja og bætir við að það sé skýrt í hennar huga að Framsóknarflokkurinn taki ekki þátt í að samþykkja framsal fullveldis til stofnana sem Ísland eigi ekki aðild að.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir