Um 150 bílar stöðvaðir við eftirlit

Lögreglan á Suðurnesjum stöðvaði um 150 bifreiðir á Reykjanesbraut við Innri-Njarðvík í gærkvöld í hefðbundnu umferðareftirliti. Allir ökumenn reyndust hafa sitt á hreinu nema einn sem ók sviptur ökuréttindum.

Á undanförnum dögum hafa á annan tug ökumanna í umdæminu verið kærðir fyrir of hraðan akstur Sá sem hraðast ók mældist á 151 km hraða þar sem hámarkshraði er 90 km á klukkustund. Annar ökumaður var grunaður um ölvunarakstur, að því er lögreglan greinir frá.

Þá voru skráningarnúmer fjarlægð af sex bifreiðum sem voru óskoðaðar eða ótryggðar og tveir óku án ökuréttinda.

• Blogga um frétt