Burðardýr í kókaínmáli rúmlega tvítug

Þrír Íslendingar eru nú í haldi lögreglunnar á Suðurnesjum vegna gruns um að hafa reynt að flytja 16 kíló af kókaíni til landsins. Er þetta mesta magn kókaíns sem lagt hefur verið hald á á Keflavíkurflugvelli.

Vísir greindi frá málinu og segir lögreglu telja þremenningana hafa verið burðardýr.

Þremenningarnir eru fæddir 1996 og 1998 og því 23 og 21 árs og er málið sagt viðkvæmt vegna ungs aldurs þeirra.

Upp komst um smyglið 12. maí og voru þá fjórir handteknir og úrskurðaðir í gæsluvarðhald. Einn hefur verið látinn laus, en verið er að rannsaka hver skipulagði innflutning efnanna og hefur Vísir eftir Jóni Halldóri Sigurðssyni, lögreglufulltrúa hjá lögreglunni á Suðurnesjum, að rannsókninni miði vel áfram.

• 1 blogg um fréttina

Bloggað um fréttina

• Eyjólfur Jónsson: Gámarnir eru mun betri, en eitthvað verður að taka svo …