Sjúkragögn SÁÁ sögð hafa farið á flakk

Frá skrifstofu Persónuverndar á Rauðarárstíg. Tvær tilkynningar hafa borist þangað ...
Frá skrifstofu Persónuverndar á Rauðarárstíg. Tvær tilkynningar hafa borist þangað vegna málsins, bæði frá Hjalta og SÁÁ. mbl.is/Eggert

Persónuvernd hefur fengið tvær tilkynningar vegna meðferðar gagna sem sögð eru varða innlagnir sjúklinga á Vík, meðferðarstöð SÁÁ á Kjalarnesi. Gögnin eru í fórum Hjalta Þórs Björnssonar, fyrrverandi dagskrárstjóra hjá SÁÁ, en SÁÁ og Hjalta greinir á um hvernig á því stendur að gögnin eru í hans höndum og segjast báðir aðilar hafa tilkynnt málið til Persónuverndar.

Hjalti, sem starfaði hjá SÁÁ frá 1987 og þar til honum var sagt upp árið 2017, segir að hann hafi fengið pappakassa með trúnaðargögnum um sjúklinga senda heim til sín síðasta haust, ásamt persónulegum eigum sem hann skildi eftir á starfsstöð sinni er honum var sagt upp störfum.

Hann segir að uppsögn sín hafi verið „brútal“ og að samskipti hans við yfirmenn hjá SÁÁ séu við alkul. Hann hafi því skilið töluvert af munum eftir á starfsstöð sinni á Vík, sem hafi svo verið fluttir af starfsmönnum SÁÁ á göngudeild SÁÁ í Efstaleiti í Reykjavík til geymslu.

Hjalti Þór Björnsson, fyrrverandi dagskrárstjóri hjá SÁÁ.
Hjalti Þór Björnsson, fyrrverandi dagskrárstjóri hjá SÁÁ.

Síðan var hann beðinn um að sækja dótið sitt, síðasta haust, að hans sögn eftir að yfirmenn hjá SÁÁ fundu að því að það væri enn í geymslu, en Hjalti segir að hann hafi „ekki saknað þessara hluta neitt.“

„Ég var þá að fara út úr bænum, kom þarna niður eftir og fékk ekki að fara inn í göngudeildina, þannig að kassarnir voru bornir út. Ég áttaði mig ekki á því hvað þetta var mikið og kom ekki öllum kössunum í bílinn minn […] og mátti ekki vera að því að koma aftur. Þá hringir húsvörðurinn aftur og segir að restin verði bara send á mitt heimili og sett í skúrinn. Þá var þetta dót bara borið inn,“ segir Hjalti, en á meðal kassanna voru að hans sögn kassar sem merktir voru á þá vegu að ekki hefði átt að fram hjá neinum að þarna var um að ræða sjúkragögn og innritunarbækur meðferðarstöðvarinnar.

Göngudeild SÁÁ við Efstaleiti.
Göngudeild SÁÁ við Efstaleiti. mbl.is/Valdís Thor

Fór loks yfir gögnin á föstudag

Það var svo á föstudag sem að Hjalti fór loks í gegnum gögnin, sem höfðu staðið inni í bílskúr hjá honum frá því að þau komu frá SÁÁ. Þá sá hann að þarna voru viðkvæm gögn um sjúklinga á Vík.

„Þetta gerist þarna á föstudagskvöldinu og í framhaldi af því þá tilkynni ég þetta til Persónuverndar eins og lög gera ráð fyrir. Ég er heilbrigðisstarfsmaður og veit hvernig á að fara með slík mál og geri mér grein fyrir hversu alvarlegt þetta er,“ segir Hjalti.

„Honum hafa ekki verið send nein gögn“

Arnþór Jónsson, formaður SÁÁ, segir það ekki rétt að Hjalti hafi fengið gögnin send, heldur hafi hann tekið þau sjálfur. Blaðamaður færði honum þær fregnir á föstudagskvöld að Hjalti segðist vera með einhver viðkvæm gögn undir höndum og þá kom hann alveg af fjöllum.

Arnþór segir í dag að hann hafi sett sig inn í málið og að SÁÁ sé búið sé að tilkynna það til Persónuverndar, sem hafi ætlað sér að vera í sambandi við Hjalta og fá gögnin afhent.

„Honum hafa ekki verið send nein gögn, þetta er bara eitthvað sem hann hefur tekið sjálfur. Við vitum ekkert hvaða gögn þetta eru. Persónuvernd er að reyna að fá þessi gögn afhent hjá honum, ég veit ekki alveg hvaða gögn hann er að tala um. En það er enginn hætta á ferðum, hann er sem fyrrverandi yfirmaður hjá SÁÁ og núverandi heilbrigðisstarfsmaður bundinn sama trúnaði gagnvart okkar skjólstæðingum og ef hann væri í vinnu,“ segir formaðurinn.

Arnþór Jónsson formaður SÁÁ segir að Hjalti hafi ekki fengið ...
Arnþór Jónsson formaður SÁÁ segir að Hjalti hafi ekki fengið nein gögn send frá SÁÁ, heldur sótt þau sjálfur. mbl.is/Eggert Jóhannesson

Spurður hvort að hann telji að Hjalti Þór sé að ljúga til um það að hafa fengið gögnin send frá SÁÁ, segir Arnþór:

„Hann hefur ekkert fengið nein gögn send. Það er einhver vitleysa, hann sótti þetta og fór með þetta heim til sín sjálfur. Hann pakkaði öllu niður og fór með það sjálfur heim. Hann hefur þá kannski verið að blanda einhverjum persónulegum munum við trúnaðargögn. Við erum bara að reyna að komast að því hvað þetta er og tilkynntum þetta til Persónuverndar um leið og við vissum af þessu, þannig að málið er bara í lögformlegum farvegi. Það verður óskað eftir því að hann afhendi þessi gögn strax, tafarlaust. Hann hefur engin gögn fengið send frá okkur,“ segir Arnþór.

Hjalti segir að það komi honum ekki á óvart formaður SÁÁ neiti því að SÁÁ hafi fært honum gögnin. „Ég er ekkert hissa á því, því að þetta er býsna alvarleg staða, að svona gögn séu á þvælingi og glámbekk,“ segir Hjalti og bætir við að Persónuvernd hafi sett sig í samband til þess að fá gögnin afhent.

Það verður þó að sögn Hjalta ekki fyrr en í fyrsta lagi 13. ágúst, þar sem hann fór austur á land um helgina og verður þar þangað til, við göngur um Lónsöræfi og Víknaslóðir. Hann segist hafa komið gögnunum fyrir í læstri skjalageymslu.

mbl.is

Innlent »

Ágætishaustlægð á leiðinni

06:57 Útlit er fyrir að ágætishaustlægð gangi yfir landið á sunnudag og mánudag með suðaustanátt og rigningu. Gera má ráð fyrir allhvössum vindi, jafnvel hvassviðri fyrir hádegi á sunnudag sunnan- og suðvestanlands. Þessu veðri fylgir rigning í öllum landshlutum og talsverð á Suður- og Suðausturlandi. Meira »

Lofar að gera þetta ekki aftur

06:01 Lögreglan hafði afskipti af þremur drengjum á vespu á Strandvegi síðdegis í gær. Ökumaður vespunnar náði að stinga lögreglu af eftir að hafa losað sig við farþegana tvo, sem voru hjálmlausir. Meira »

Eldislax ekki veiðst

05:30 Eldislax hefur ekki veiðist í laxveiðiám í sumar og ekki sést við myndaeftirlit. Er það mikil breyting frá síðasta ári þegar staðfest var að tólf eldislaxar hefðu veiðist í laxveiðiám. Meira »

Virða ekki lokun lögreglu

05:30 Dæmi eru um það að ferðamenn hafi ekki fylgt fyrirmælum lögreglu og farið inn á lokað svæði í Reynisfjöru, þar sem skriða féll á þriðjudag. Þetta staðfestir Björn Ingi Jónsson, verkefnastjóri almannavarna hjá lögreglunni á Suðurlandi. Meira »

Sátu allir við sama borð?

05:30 „Eins og mér var kynnt þetta var sama fermetraverð á öllum íbúðum sem Félag eldri borgara í Reykjavík, FEB, byggði í Árskógum 1 til 3. Skipti þá engu hvort um íbúðir á efstu hæð annars staðar í húsinu væri að ræða,“ segir einstaklingur í FEB sem ekki vill láta nafns síns getið en sótti um íbúð í húsunum. Meira »

Enn brunalykt á skólasetningu

05:30 Nemendur í 2. og 3. bekk hefja nýtt skólaár við Seljaskóla einum degi síðar en samnemendur þeirra sökum þess að enn var brunalykt af húsgögnum í tveimur kennslustofum árganganna. Meira »

Fylgjast áfram vel með vatninu

05:30 Lögreglan ákvað síðdegis í gær að gera hlé á formlegri leit að belgíska ferðamanninum Björn Debecker. Hann er talinn hafa fallið í Þingvallavatn fyrir um 13 dögum. Meira »

Fjarveran gagnrýnd

05:30 „Hún hefði átt að nýta tækifærið, taka á móti honum og ræða brýn málefni á borð við loftslagsmál og öryggis- og varnarmál. En hún forgangsraðar auðvitað verkefnum sínum,“ segir Hanna Katrín Friðriksson, formaður þingflokks Viðreisnar, í Morgunblaðinu í dag. Meira »

Húsvísku sjóböðin á lista Time

Í gær, 23:35 Sjóböðin á Húsavík (GeoSea) hafa ratað á árlegan lista tímaritsins Time Magazine sem einn af 100 áhugaverðustu stöðum í heiminum til að heimsækja á árinu 2019. Meira »

Lýkur hringferðinni við Laugardalshöll

Í gær, 23:07 Ein­ar Hans­berg Árna­son lýkur á morgun 500.000 metra langri hringferð sinni um landið. Frá því síðasta föstudag hefur Einar stoppað í 36 sveit­ar­fé­lög­um og róið, skíðað eða hjólað í sér­stök­um þrek­tækj­um 13.000 metra á hverj­um stað, einn metra fyr­ir hvert barn sem brotið er á. Meira »

Bólusetning kæmi í veg fyrir krabbamein

Í gær, 22:50 Hægt yrði að koma í veg fyrir um 92% af krabbameinstilvikum af völdum HPV-veirunnar með bólusetningu. Talið er að um 34.800 slík tilvik hafi greinst á árunum 2012-2016, samkvæmt nýrri rannsókn. Meira »

Hleypur sitt 250. maraþon

Í gær, 21:30 Fáir komast með tærnar þar sem Bryndís Svavarsdóttir er með hælana þegar kemur að fjölda maraþonhlaupa. Á laugardaginn hyggst hún hlaupa sitt 250. maraþon. Þetta verður 23. Reykjavíkurmaraþon hennar í röð og 12. maraþonið á þessu ári sem hún hleypur. Meira »

Keyrsla á Söndru Rún

Í gær, 21:15 Kennsla á haustönn í Borgarholtsskóla byrjaði í vikubyrjun og Sandra Rún Ágústsdóttir heldur áfram í bílamálun og bifvélavirkjun þar sem frá var horfið í vor. Í sumar keyrði hún 18 hjóla trukk frá morgni til kvölds og hefur hug á að halda áfram á þeirri braut í vetur með náminu. Meira »

Hafa safnað 10% hærri upphæð en í fyrra

Í gær, 20:55 5.300 hlaupa til góðs í Reykjavíkurmaraþoninu í ár fyrir 190 góðgerðafélög og hafa aldrei verið fleiri. Áheitasöfnunin á hlaupastyrkur.is gengur mjög vel og er búið að safna 10% hærri upphæð nú en á sama tíma í fyrra. Reykjavíkurmaraþonið fer fram í 36. sinn í ár. Meira »

Útskýrðu starfsumhverfi lögreglu

Í gær, 20:40 „Við fórum yfir verklag á borgarhátíðum og útskýrðum okkar starfsumhverfi,“ sagði Sigríður Björk Guðjónsdóttir, lögreglustjóri LRH. Sigríður Björk mætti í dag á fund mann­rétt­indaráðs Reykja­vík­ur­borg­ar, þar sem verklag lög­reglu á hátíðum á veg­um borg­ar­inn­ar var til umræðu. Meira »

Stúdentar hætta að selja vatn

Í gær, 20:25 Tekin hefur verið ákvörðun um að hætta að selja vatn í plastflöskum í mötuneyti Félagsstofnunar stúdenta, Hámu. Sömuleiðis hefur úrval vegan-matar í Hámu tekið stakkaskiptum og standa nú tveir heitir vegan-réttir stúdentum til boða í hádeginu. Meira »

„Flæði af lyfseðilskyldum lyfjum“

Í gær, 19:56 „Það sem gerðist í fyrra var að við vorum allt í einu með þetta flæði af lyfseðilskyldum lyfjum sem krakkarnir voru allt í einu komin á fullt í,“ svarar Guðmundur Fylkisson, aðalvarðstjóri hjá lögreglunni á höfuðborgarsvæðinu, spurður um fækkun leitarbeiðna vegna týndra barna og ungmenna. Meira »

Drengnum ekki vikið úr FÁ

Í gær, 19:10 „Honum hefur ekki verið vikið úr skólanum. Það er ekki rétt. Við megum ekki víkja nemendum úr skóla sem ekki eru orðnir 18 ára gamlir,“ segir skólameistari FÁ spurður um mál fatlaðs drengs sem greint var frá að hefði verið vikið úr sérdeild skólans eftir tveggja daga skólavist. Meira »

„Sókn og vörn íslenskunnar í fortíð, nútíð og framtíð“

Í gær, 18:48 „Við erum að efla rannsóknir á ritmenningu okkar sér í lagi frá miðöldum. Ég legg mikla áherslu á sókn og vörn íslenskunnar, í fortíð, nútíð og framtíð. Að kunna góð skil á bókmenntaarfinum hjálpar okkur að horfa til framtíðar,“ segir Lilja Dögg Alfreðsdóttir menntamálaráðherra. Meira »
Eldhússtólar
Til sölu 6 stk eldhússtólar, hvítir á stálfótum. Vel útlítandi. Verð kr 2500 st...
Lok á heita potta og hitaveituskeljar
Lok á heita potta og hitaveituskeljar. Stærðir í cm: 200x200, 210x210, 220x220, ...
Sultukrukkur,minibarflöskur ...
Til sölu...Ca 100 gler krukkur.til sölu. Frekar litlar. Einnig ca 200 smáflösku...
Til sölu Færeyingur Haffrúin 6032
Gengur í strandveiðina, Ný vél, vökvagír, skrúfa og mælaborð, nýtt rafkerfi, ra...