Upplýsinga- og stöðufundur var haldinn í dag í þjóðaröryggisráði um viðbrögð og viðbúnað hér á landi vegna COVID-19.
Gestir fundarins voru Svandís Svavarsdóttir heilbrigðisráðherra, Ásta Valdimarsdóttir, ráðuneytisstjóri heilbrigðisráðuneytisins, Alma Möller landlæknir, Margrét Kristín Pálsdóttir, settur aðstoðarríkislögreglustjóri, og Víðir Reynisson, yfirlögregluþjónn hjá embætti ríkislögreglustjóra, að því er segir í tilkynningu.
Á fundinum var farið yfir stöðu mála og viðbúnað almannavarna og heilbrigðiskerfisins vegna heimsfaraldursins.