Yfirgnæfandi meirihluti samþykkti samning Blaðamannafélags Íslands við Samtök atvinnulífs en rafrænni atkvæðagreiðslu lauk nú í hádeginu. Á kjörskrá voru 351 og greiddu 140 atkvæði eða 39,89%. Já sögðu 126 eða 90% og nei sögðu 11 eða 7,86%. Auðir seðlar voru 3 eða 2,14%.
Atkvæðagreiðslan stóð yfir frá hádegi þriðjudaginn 24. mars til hádegis í dag, föstudagsins 27. mars.
Kjarasamningurinn hefur því verið samþykktur og gildir til loka október 2022.
Þetta kemur fram á vef Blaðamannafélags Íslands.