Lögreglan á höfuðborgarsvæðinu hefur til rannsóknar atvik sem upp kom í Jórufelli í Breiðholti síðdegis í gær, þar sem maður var fluttur á slysadeild með áverka eftir hnífstungu.
Þetta staðfestir Karl Steinar Valsson, yfirlögregluþjónn hjá miðlægri rannsóknardeild lögreglunnar á höfuðborgarsvæðinu.
Gat hann ekki veitt nánari upplýsingar um málið að svo stöddu, en von er á tilkynningu frá lögreglunni vegna málsins síðar í dag.