Erfið og óvinsæl en mjög falleg

Á meðal hjólreiðafólks er brekkan við Hallsteinsgarð í Grafarvogi ekki sú vinsælasta þegar það þeysist við Strandveginn í átt að borginni. Hún tekur á en það breytir því ekki að á góðum degi er þetta einn fegursti staður borgarinnar.

Það var tilfellið í liðinni viku þegar ég átti leið um og myndaði ál-skúlptúranna eftir Hallstein Sigurðsson myndhöggvara sem gaf borginni verkin árið 2013. Í garðinum eru 16 höggmyndir úr áli sem listamaðurinn byrjaði að koma fyrir á hæðinni fyrir ofan Gufunes árið 1989. Staðurinn nýtur töluverðra vinsælda og þangað kemur fólk gjarnan til að horfa yfir sundin og njóta sólarlagsins. 

• 1 blogg um fréttina

Bloggað um fréttina

• Jóhannes Ragnarsson: Dæmisaga fyrir hjólríðinga í Grafarvogi og ráð fyrir þá við …