Umboðsmaður með ákvörðun Lilju til athugunar

Umboðsmaður Alþingis er með til athugunar ákvörðun Lilju Alfreðsdóttur, mennta- og menningarmálaráðherra, þegar hún skipaði Pál Magnús­son sem ráðuneyt­is­stjóra í ráðuneyti sínu á síðasta ári.

Greint var frá málinu í hádegisfréttum RÚV.

Kærunefnd jafnréttismála komst að þeirri niðurstöðu að Lilja hefði brotið lög þegar hún skipaði Pál sem ráðuneytisstjóra. 

Frétt af mbl.is

Brot Lilju með þeim verri sem hafa sést

Embætti ráðuneyt­is­stjóra var aug­lýst í júní á síðasta ári og sóttu þrett­án um stöðuna. Fjór­ir voru metn­ir hæf­ast­ir af hæfis­nefnd, tvær kon­ur og tveir karl­ar. Haf­dís Helga Ólafs­dótt­ir kærði skip­un­ina en í greinagerð hennar er því haldið fram að ráðherra hafi brotið gegn rannsóknarreglu stjórnsýslulaga með því að leggja gallaða umsögn hæfnisnefndar til grundvallar án gagnrýni.

Haf­dís Helga var ekki ein þeirra fjögurra sem metin var hæfust.

Frétt af mbl.is

Sá ekki ástæðu til að víkja frá niðurstöðu nefndar

Í skriflegu svari Lilju frá því á þriðjudag kemur fram að hún hafi ekki talið ástæðu til að víkja frá niðurstðu hæfnisnefndarinnar. Hún vildi ekki tjá sig frekar um málið þegar mbl.is leitaði eftir því í dag.

• Blogga um frétt