Ný sjónarhorn í Stuðlagili

Það er ekki að ósekju að Stuðlagil er orðið að einum vinsælasta áfangastaði ferðamanna sem eiga leið um Austurland. Blágrænt vatnið í Jöklu og 30 metra hátt stuðlabergið gera staðinn algerlega einstakan en ekki síður að stutt er síðan yfirborð vatnsins lækkaði um 7-8 metra vegna gerðar Kárahnjúkastíflu. 

Líkt og að því er virðist allir aðrir Íslendingar hef ég nýtt sumarið í að skoða landið og óhætt er að segja að heimsóknin í Stuðlagil hafi verið einn af hápunktum ferðarinnar. Í myndskeiðinu má sjá afrakstur heimsóknarinnar en á svæðinu standa nú yfir framkvæmdir sem munu bæta aðgengi og þá verður einnig sett upp salernisaðstaða. Daglega leggja um 500 manns leið sína að gilinu og skyldi engan undra.

mbl.is