Fjórir góðir árgangar eru á leiðinni

Bleikjuhrygna á riðabletti á hrygningartímanum. Hún hefur hreinsað mölina og …
Bleikjuhrygna á riðabletti á hrygningartímanum. Hún hefur hreinsað mölina og lætur hrognin falla á milli steina þegar þar að kemur. Ljósmynd/Árni Einarsson

Nýliðun hefur verið góð í Mývatni síðustu ár og eru fjórir „býsna góðir“ árgangar á leiðinni, að sögn Guðna Guðbergssonar, fiskifræðings á Hafrannsóknastofnun. Hann segir að rannsóknaleiðangur um síðustu mánaðamót hafi lofað góðu og gert sé ráð fyrir auknum veiðum á silungi á næsta ári.

Veiðin gæti farið úr 2-2.500 silungum eins og algengt hefur verið síðustu ár í 5-10 þúsund fiska á næsta ári. Til samanburðar var meðalveiði á árunum í kringum 1970 um 30 þúsund silungar árlega.

Í umfjöllun um mál þetta í Morgunblaðinu í dag segir Guðni að veiðistjórnun og verndunaraðgerðir á síðustu árum hafi greinilega skilað sér, en farið var í aðgerðir 2011 til að byggja bleikjustofninn upp í kjölfar alvarlegrar niðursveiflu. Þá hefur fæðuframboð verið stöðugt síðustu ár.

Hann leggur áherslu á að stofninn verði nýttur af skynsemi og sjálfbærni verði höfð að leiðarljósi.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »