Guðni Th. Jóhannesson forseti sendir ástvinum þeirra tveggja sem létust vegna kórónuveirunnar í nótt samúðarkveðjur í facebookfærslu frá embætti forseta Íslands í dag.

Í færslunni minnist Guðni á hópsmitið sem upp kom á Landakoti í vikunni. „Vonir hljóta að standa til þess að allra leiða verði leitað til að koma í veg fyrir slíkt áfall á ný. Að sama skapi er sárt að sjá eða lesa fregnir af því að fólk taki veiruvandann ekki alvarlega, láti jafnvel skammtímahagsmuni vega þyngra þangað til í óefni er komið.“

Þá minnir forseti á hertar fjöldatakmarkanir og skorður við mannamótum og segist bjartsýnn á að landsmenn geti haldið venjuleg jól í ár sé sóttvörnum sinnt.

Frétt af mbl.is

Tveir létust vegna Covid-19 í nótt

„Þegar allt kemur til alls njótum við Íslendingar þó enn þeirrar samstöðu og þeirrar þrautseigju sem býr með okkur. Við getum gert þetta saman og næstu vikurnar verðum við að gera okkar allra besta í þessari baráttu,“ segir forseti.

Forseti segir karlalið Vals í knattspyrnu hafa „hlaupið mjög illa á sig“ er liðið fagnaði Íslandsmeistaratitli á föstudag, en hrósar aftur á móti kvennaliði Breiðabliks fyrir hófsaman fögnuð og virðingu fyrir samkomutakmörkunum. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt