Harður árekstur á Reykjanesbraut

Harður árekstur tveggja fólksbifreiða varð á Reykjanesbraut skammt frá Mjódd klukkan kortér fyrir tvö í dag. Engin slys urðu á fólki. 

Aðstoðaryfirlögregluþjónn á Dalvegi í Kópavogi segir að ekki hafi frekari upplýsingar borist um málið að svo stöddu en ljóst að enginn hafi slasast. 

Samkvæmt dagbók lögreglu hefur dagurinn verið rólegur framan af. 

Í morgun, klukkan tuttugu mínútur yfir átta, var brotist inn í nýbyggingu í Kópavogi og þaðan stolið verkfærum.

Klukkan tíu mínútur yfir níu var einstaklingur handtekinn vegna sölu og dreifingar fíkniefna í miðbænum.

• Blogga um frétt