Pavel Ermolinskij, landsliðsmaður og körfuknattleiksmaður í Val, er ekki í hungurverkfalli eins og greint var frá á mbl.is fyrr í dag.
Pavel tísti um að vera í hungurverkfalli í mótmælaskyni við að fá ekki að æfa körfubola. Í samtali við mbl.is segir hann tístið hafa verið létt grín en hann sé vissulega að fasta í fimm daga.
„Ég elska að spila körfubolta en ekki svo mikið að ég fari í hungurverkfall. Ég er alls ekki að fara að skipta mér af aðgerðum sóttvarnayfirvalda,“ sagði Pavel í samtali við mbl.is.
Í ljósi nýjustu fregna hef ég hafið hungursverkfall. Virkar bæði sem mótmæli og aðhald í æfingalausu umhverfi. Verkfall hefst kl 22 í kvöld og varir þangað til ég fæ að æfa aftur eða ég dey.
— Pavel Ermolinski (@pavelino15) December 1, 2020
T-minus-1 hour
— Pavel Ermolinski (@pavelino15) December 1, 2020
Liðinn Tími: 20 klst. Er með hausverk. Leyfi mér bláan Kristal (spons?) og te.
— Pavel Ermolinski (@pavelino15) December 2, 2020
Getum við haft smá gaman? Ég stefndi á að fasta í 5 daga og búa til gott twitter content. Það byrjaði ekki vel. Þetta er ekki verkfall, þetta eru engin skilaboð. Ég vona að þessir helstu alvöru miðlar sleppi einhverjum greinum. Að lokum, hafi ég brugðist einhverjum...
— Pavel Ermolinski (@pavelino15) December 2, 2020