Virknin hefur færst aðeins í norðaustur

Enginn órói hefur mælst á Reykjanesskaga í nótt en skjálftavirknin er enn mikil. Samkvæmt upplýsingum frá náttúruvársérfræðingum Veðurstofu Íslands er virknin mest við Fagradalsfjall en hefur færst aðeins í norðaustur miðað við hvar hún var í gær. 

Í gær mældust um þrjú þúsund jarðskjálftar og frá miðnætti hafa tæplega 700 skjálftar mælst. Í heildina hafa rúmlega 20.000 jarðskjálftar mælst síðan hrinan hófst fyrir rúmri viku.

Stærstu skjálftar frá miðnætti:

  • Klukkan 00:08, þrír að stærð við Fagradalsfjall
  • Klukkan 02:34, þrír að stærð við Fagradalsfjall
  • Klukkan 03:25, þrír að stærð við Fagradalsfjall
  • Klukkan 04:17, þrír að stærð við Fagradalsfjall
mbl.is