Síðasti sólarhringur var afar annasamur hjá slökkviliði höfuðborgarsvæðisins. Í færslu slökkviliðsins á Facebook kemur fram að líklega sé „enn eitt metið fallið“.
Slökkviliðið sinnti alls 186 flutningum síðasta sólarhringinn. Þar af voru 30 forgangsflutningar og 48 flutningar vegna Covid-19.
Þá sinnti slökkvilið sjö útköllum á dælubílum. Á meðal þeirra verkefna sem slökkviliðið sinnti voru tvær bílveltur.