Slökkvilið höfuðborgarsvæðisins fór í 113 sjúkraflutningaverkefni síðastliðinn sólarhring. Þetta kemur fram á facebooksíðu slökkviliðsins.
Þar af voru 20 forgangsflutningar og 35 vegna Covid-19.
Dælubílar fóru einungis í eitt útkall á þessum tíma. Um minni háttar atvik var að ræða.
Fram kemur í færslu slökkviliðsins að umferðin á svæði Slökkviliðsins á höfuðborgarsvæðinu hafi gengið algjörlega slysalaust fyrir sig.