Vegfarandi um gosstöðvarnar í Geldingadölum slasaðist í gær ofan á Langahrygg og voru björgunarsveitir kallaðar út til aðstoðar.

Upplýsingafulltrúi Landsbjargar, Karen Ósk Lárusdóttir, segir við mbl.is að ekki sé vitað um meiðsl þess slasaða, en viðkomandi var fluttur með sjúkrabíl á sjúkrahús til aðhlynningar. 

Karen segir að aðgerðir björgunarsveita hafi verið umfangsmiklar, eins og tamt er þegar fólk slasast og lendir í sjálfheldu utan alfaraleiðar. Samt sem áður hafi aðgerðir gengið vel og tóku þær ekki langan tíma. 

Frekari upplýsingar gat Karen ekki veitt mbl.is að svo stöddu. 

Tengdar fréttir

Eldvirkni á Reykjanesskaga

Land risið um 20 sentimetra: Gæti gosið án fyrirvara

• Eldgos eða kvikuinnskot yfirvofandi
• Geimveður truflar landrismælingar
• Róleg nótt á Reykjanesskaga
• Líkur á öðru eldgosi aukast

» Fleiri tengdar fréttir

• Blogga um frétt