Lokanir enn möguleiki þó dregið hafi úr rennsli
Setja bókamerki
Hlaupið úr Skaftá hefur enn ekki orðið þess valdandi að vatn flæði yfir þjóðveginn. Hefur því ekki reynst nauðsynlegt að grípa til lokana. Dregið hefur nú úr vexti hlaupsins og er talið líklegt að hámarki hafi bæði verið náð við Sveinstind og Eldvatn. Enn er þó möguleiki á að loka þurfi vegum en vatnið hefur flætt á Eldhraun og lónað við veginn á nokkrum stöðum.
Að sögn Þorsteins Þorsteinssonar, sérfræðings á Veðurstofu Íslands, er gert ráð fyrir að Eystri-Skaftárketill tæmist í dag en talið er að rúmlega 70% af vatninu sé komið fram við Sveinstind. Verulega hefur hægt á rennsli þar en það mældist mest 1.500 rúmmetrar á sekúndu. Er rennslið nú komið niður við 1.100 rúmmetra á sekúndu.
Vekur Þorsteinn athygli á að hámarksrennsli við Eldvatn hafi nú að öllum líkindum verið náð en það hafi einungis mælst í rúmum 600 rúmmetrum á sekúndu. Er það 900 rúmmetrum minna en rennslið við Sveinstind.
Að sögn Þorsteins má rekja þennan mun til þess að hluti af hlaupinu fari í Skaftá sem rennur fram hjá Kirkjubæjarklaustri en einnig til þess að heilmikið vatn renni nú út á Eldhraunið.
Segir hann hegðun hlaupsins óvanalega í ár enda hafi þættir á borð við leysingar, grunnvatnsstöðu og nýlegt hlaup úr Vestari-Skaftárkatli mikil áhrif á hana. Þó svo að rennsli hlaupsins sé nú töluvert minna en árið 2015, þegar vatn rann ekki út á þjóðveg, er enn möguleiki á að það geti nú gerst og að grípa þurfi til lokana.
Skiptir miklu meira máli en fólk grunar
Veiting hvalveiðileyfis ekki brot á EES-samningi
Handteknir eftir myndatöku í Vesturbæjarlaug
Tóku upp hanskann fyrir leikskólabörn
Tveir í bílnum sem lenti utan vegar
Æskuvinur Íslendings myrtur í Noregi
„Skýr skilaboð til Seðlabankans“