Mestar áhyggjur af vestari katlinum
Setja bókamerki
„Þetta virðist vera orðið nokkuð stöðugt inn við Sveinstind þannig að maður er að vona að þetta sé búið að ná hámarki,“ segir Auður Guðbjörnsdóttir, bóndi á Búlandi.
Sér fram á lítið hlaup
Hún segir ekki neinar stórar breytingar síðan í gær á jökulhlaupinu í Skaftá. Helstu áhyggjur fólksins í sveitinni segir Auður vera brot á landi og það að sauðfé sé allt úti og geti fest sig í leðjupollum sem sitji eftir að hlaupi loknu.
„Það er svona helst það að þær fari sér að voða en ég held að þetta verði afskaplega lítið hlaup.“
Getur orðið meira
Auður segir að eins og staðan sé á þessari stundu sé um miklu minna hlaup að ræða en bæði 2015 og 2018.
„Þetta virðist meira að segja talsvert minna en hlaupið 2021. Það hefur reyndar ekki fengist staðfest hvor ketillinn er að hlaupa. Maður hefur mestar áhyggjur af því að vestari ketillinn fari af stað og þá getur þetta náttúrlega orðið meira.“
Vonast til að tjaldbúðir við HÍ standi áfram
Kaldasti veturinn kom að óvörum
Forsetinn líti yfir axlirnar á þingheimi
Breytingar á skipulagi fréttadeildar RÚV
Telur forsendur fyrir vaxtalækkun
Hvorki sést áður hér á landi né annars staðar
Mál hjúkrunarfræðingsins fer aftur fyrir héraðsdóm