Maðurinn, sem lést í gær eftir heimsókn í baðlónið Sky Lagoon á Kársnesi, lá hreyfingarlaus á botni lónsins þegar vitni urðu hans vör.
Þetta herma heimildir Ríkisútvarpsins.
Þegar lögreglu og sjúkraflutningamenn bar að garði var strax hafist handa við endurlífgunartilraunir. Var maðurinn fluttur á Landspítalann, þar sem hann lést.
Lögreglan á höfuðborgarsvæðinu mun fara yfir myndefni úr eftirlitsmyndavélum á svæðinu en málið er nú á frumstigi rannsóknar.