Víðtæk leit að Almari í dag
Setja bókamerki
Björgunarsveitir og Landhelgisgæslan munu aðstoða lögregluna í dag við leitina að Almari Yngva Garðarssyni, sem er 29 ára.
/frimg/1/31/52/1315206.jpg)
Að sögn Skúla Jónssonar, aðstoðaryfirlögregluþjóns hjá lögreglunni á höfuðborgarsvæðinu, verður leitað á suðvesturhorninu, þar á meðal á vegaslóðum.
Talið er að Almar hafi verið á gráum bílaleigubíl af tegundinni Chevrolet Spark með bílnúmerinu HUX90. Síðast sást til Almars aðfaranótt sunnudags.
Óskað var eftir ábendingum frá almenningi í tilkynningu frá lögreglunni í gær en að sögn Skúla hafa aðeins ein til tvær slíkar borist og hafa þær ekki nýst við leitina. Hann óskar áfram eftir ábendingum sem geta hjálpað til við leitina.
Eftirlitsmyndavélar hafa sömuleiðis verið skoðaðar, án árangurs.
Ekki er grunur um að neitt saknæmt hafi gerst, segir Skúli, sem reiknar með því að þyrla Gæslunnar verði notuð við leitina.
Lögreglan á suðvesturhorninu vinnur saman við leitina og meðal annars verður leitað að bifreiðinni á stórum bílastæðum.
Þeir sem geta gefið upplýsingar um ferðir Almars eru beðnir um að hafa strax samband við lögregluna í síma 112.
3.800 gígawattsstundir af viðbótarorku árlega
Skimað fyrir kíghósta meðal leikara
Fylgið á hreyfingu tvist og bast
Hafa þurft að stugga við fólki
Dreymdi sjö seli: Katrín verður forseti
„Jæja, Jón forseti bara mættur“
Verðskulda allir frambjóðendur jafna athygli?
„Höldum áfram að fylgjast með“