„Í gærmorgun sáum við að það var eitthvað að einni hænunni. Við tókum hana upp og þá steindrapst hún. Þá hringdum við í Brigitte dýrlækni og hún tók sýni úr fjórum og lógaði öllum hænunum,“ segir Birna Þorsteinsdóttir, bóndi á Reykjum í Skeiða- og Gnúpverjahreppi í Árnessýslu, í samtali við mbl.is.

Grunur um fuglaflensu á býlinu hennar vaknaði í gær. Nú hefur hann verið staðfestur.

Talið er nokkuð víst að smitaður hrafn sem fannst dauður rétt hjá hænsnakofanum hafi smitað hænurnar.

Frétt af mbl.is

Fuglaflensa staðfest á Íslandi

Þrjár af fjórum smitaðar

Birna segir dýralækninn hafa tekið sýni úr fjórum hænum. Af þeim hafi þrjár greinst smitaðar. Því sé nokkuð ljóst að þetta hafi dreift sér í fleiri hænur en á bænum voru alls tíu hænur og einn hani.

Að sögn Birnu hafði dýralæknir í kjölfarið samband við alla í sveitinni sem eru með hænur eða endur hjá sér. 

Tengdar fréttir

Fuglaflensa

Óttast að fuglaflensa breiðist meira út til manna

• Bandaríkjamaður greindist með fuglaflensu
• Fugladauði um allt land í skoðun
• Stöðug fækkun í fálkastofninum
• Fuglaflensa í haferni og æðarfugli

» Fleiri tengdar fréttir

• Blogga um frétt