Vara við pósti merktum ríkislögreglustjóra

Fólki er bent á að tilkynna póst af þessum toga …
Fólki er bent á að tilkynna póst af þessum toga sem ruslpóst. mbl.is/Golli

Embætti ríkislögreglustjóra segir lögreglu hafa borist tilkynningar um tölvupóstsendingar, þar sem fullyrt er að Sigríður Björk Guðjónsdóttir ríkislögreglustjóri sé sendandi skilaboðanna og þau merkt lögreglu og íslenskum ráðuneytum.

Í tilkynningu vekur embættið athygli á því að skilaboðin séu ekki á vegum ríkislögreglustjóra. Er fólk um leið varað við því að ýta á hlekki eða opna viðhengi sem fylgt geti slíkum skilaboðum.

Fólki er bent á að tilkynna póst af þessum toga sem ruslpóst í póstforritum sínum.

„Mikilvægt er að skoða öll skilaboð og allan póst með gagnrýnum augum, ekki smella á hlekki eða viðhengi sem eru grunsamleg og alls ekki gefa upp kortaupplýsingar eða viðkvæmar persónuupplýsingar.“

Skjáskot af póstinum sem varað er við.
Skjáskot af póstinum sem varað er við.
mbl.is